ജയിലറിലെ ഗംഭീര പ്രകടനത്തിന് ശേഷം തമിഴ് സിനിമയിൽ കയ്യടി നേടാൻ വീണ്ടുമൊരുങ്ങുകയാണ് മലയാള സൂപ്പർ താരം മോഹൻലാൽ. തമിഴിലെ പ്രശസ്ത സംവിധായകൻ എ. ആർ മുരുഗദോസും ശിവകാർത്തികേയനും ഒന്നിക്കുന്ന ഏറ്റവും പുതിയ ചിത്രത്തിലാണ് മോഹൻലാൽ ഒന്നിക്കുന്നതെന്ന് പുറത്തുവരുന്ന റിപ്പോർട്ടുകൾ.
നെൽസൺ- രജനി ചിത്രം ‘ജയിലറി’ൽ മികച്ച പ്രകടനമായിരുന്നു മോഹൻലാൽ അവതരിപ്പിച്ച മാത്യുവിന്റേത്. കുറഞ്ഞ സമയം മാത്രമേ സ്ക്രീനിൽ ഉണ്ടായിരുന്നതെങ്കിലും ഗംഭീര പ്രകടനമായിരുന്നു ആ കഥാപാത്രത്തിലൂടെ മോഹൻലാൽ പുറത്തെടുത്തത്.
Big casting coup by @ARMurugadoss for #SKxARM pan-India action flick?
Huge buzz that @Mohanlal & #VidyutJammwal are part of the big budget entertainer! pic.twitter.com/o5Ffx8aF3m— Sreedhar Pillai (@sri50) November 15, 2023
പാൻ ഇന്ത്യൻ ചിത്രമായാണ് മുരുഗദോസിന്റെ പുതിയ ചിത്രം ഒരുങ്ങുന്നത്. കൂടാതെ ബോളിവുഡ് സൂപ്പർ താരം വിദ്യുത് ജമ്മലും ചിത്രത്തിൽ പ്രധാന വേഷത്തിലെത്തുന്നുണ്ട്. എസ്കെ 23 എന്നാണ് ചിത്രത്തിന് ഇപ്പോൾ ടാഗ് ലൈൻ കൊടുത്തിരിക്കുന്നത്. പ്രശസ്ത ട്രേഡ് അനലിസ്റ്റായ ശ്രീധർ പിള്ളയാണ് ഇക്കാര്യം എക്‌സിലൂടെ അറിയിച്ചത്.
Read more
മൃണാൾ ഠാക്കൂറാണ് ചിത്രത്തിൽ നായികയായി എത്തുന്നത്. അനിരുദ്ധ് രവിചന്ദർ ആണ് ചിത്രത്തിൽ സംഗീത സംവിധാനം നിർവഹിക്കുന്നത്. ഒരുവർഷത്തിന് ശേഷമാണ് മുരുഗദോസ് പുതിയ സിനിമയുമായി വരുന്നത്. രജനികാന്ത് നായകനായെത്തിയ ‘ദർബാർ’ ആയിരുന്നു മുരുഗദോസിന്റെ അവസാന ചിത്രം.
