വിനയ് ഫോര്‍ട്ട് നായകനായെത്തിയ ശംഭു പുരുഷോത്തമന്‍ ചിത്രം “പാപം ചെയ്യാത്തവര്‍ കല്ലെറിയട്ടെ” മികച്ച പ്രതികരണങ്ങളുമായി പ്രദര്‍ശനം തുടരുകയാണ്. ചിത്രത്തിന്റെ പ്രൊമോഷനുമായി ബന്ധപ്പെട്ട് വിനയ് ഫോര്‍ട്ട്, ടിനി ടോം, ശ്രിന്ദ എന്നിവര്‍ “ഉപ്പും മുളകും” ടെലിവിഷന്‍ ഷോയിലെത്തിയ വിഡിയോയാണ് സോഷ്യല്‍ മീഡിയയില്‍ ട്രെന്‍ഡിംഗ് ആവുന്നത്.
അനു മോള്‍, സൈജു കുറുപ്പ്, ശാന്തി ബാലചന്ദ്രന്‍, അലന്‍സിയര്‍, സുനില്‍ സുഖദ, അരുണ്‍ കുര്യന്‍ എന്നിവരാണ് പാപം ചെയ്യാത്തവര്‍ കല്ലെറിയട്ടെയിലെ മറ്റ് പ്രധാന താരങ്ങള്‍. 2013ല്‍ പുറത്തെത്തിയ “വെടിവഴിപാടി”ന് ശേഷം ശംഭു പുരുഷോത്തമന്‍ ഒരുക്കിയ ചിത്രമാണിത്.
സ്പയര്‍ പ്രൊഡക്ഷന്‍സിന്റെ ബാനറില്‍ സഞ്ജു എസ്. ഉണ്ണിത്താനാണ് ചിത്രം നിര്‍മിച്ചത്. ജോമോന്‍ തോമസ് ഛായാഗ്രഹണം നിര്‍വ്വഹിച്ച ചിത്രത്തിന് പ്രശാന്ത് പിള്ളയാണ് സംഗീതം ഒരുക്കിയത്.
