'കള'യ്ക്ക് ശേഷം വീണ്ടും രോഹിത്ത് വി. എസ്; മാസ്സ് ലുക്കിൽ ആസിഫ് അലി; നായികയായി വാമിഖ; 'ടിക്കി ടാക്ക' പുത്തൻ അപ്ഡേറ്റ്

കള. ഇബിലീസ്, അഡ്വഞ്ചേഴ്സ് ഓഫ് ഓമനകുട്ടൻ എന്നീ ചിത്രങ്ങളുടെ സംവിധായകൻ രോഹിത് വി. എസ് സംവിധാനം ചെയ്യുന്ന ഏറ്റവും പുതിയ ചിത്രം ‘ടിക്കി ടാക്ക’യുടെ ഏറ്റവും പുതിയ അപ്ഡേറ്റ് പുറത്തുവിട്ട് അണിയറപ്രവർത്തകർ. ആസിഫ് അലിയാണ് ചിത്രത്തിൽ നായകനായി എത്തുന്നത്.

ആസിഫ് അലിയുടെ ഗംഭീര മേക്ക്ഓവറിൽ ഉള്ള ചിത്രമാണ് ഇപ്പോൾ പുറത്തുവിട്ടിരിക്കുന്നത്. ആസിഫ് അലി തന്നെയാണ് ചിത്രം ഇൻസ്റ്റഗ്രാമിലൂടെ പങ്കുവെച്ചിരിക്കുന്നത്. ഫിറ്റ് ബോഡിയിൽ ഗൗരവത്തോടെ മാസ് ലുക്കിലാണ് ആസിഫ് ചിത്രത്തിലുള്ളത്.

May be an image of 1 person, beard and bodybuilding

ആക്ഷൻ- എന്റർടൈൻമെന്റ് ഴോണറിലാണ് ചിത്രം പുറത്തിറങ്ങുന്നത്. കളക്ക് ശേഷം രോഹിത് വി എസ് സംവിധാനം ചെയ്യുന്ന ചിത്രമായത് കൊണ്ട് തന്നെ വളരെ പ്രതീക്ഷയോടെയാണ് പ്രേക്ഷകർ പുതിയ ചിത്രത്തെ നോക്കികാണുന്നത്.

View this post on Instagram

A post shared by Asif Ali (@asifali)

Read more

ഹരിശ്രീ അശോകൻ, ലുക്മാൻ അവറാൻ, വാമിക ഖബ്ബി, നസ്ലിൻ സഞ്ജന നടരാജ്, സന്തോഷ് പ്രതാപ് എന്നിവരാണ് ചിത്രത്തിലെ മറ്റ് താരങ്ങൾ. നിയോഗ് കൃഷ്ണയാണ് ചിത്രത്തിന്റെ സഹ തിരക്കഥാകൃത്ത്. അഡ്വഞ്ചേഴ്സ് കമ്പനിയുടെ ബാനറിൽ ജൂവിസ് പ്രൊഡക്ഷൻസ് ഒരുക്കുന്ന ചിത്രം സിജു മാത്യുവും നേവിസ് സേവ്യറും ചേർന്നാണ് നിർമ്മിക്കുന്നത്.