കഴിഞ്ഞ ദിവസം നടന്ന ഇന്ത്യ- പാകിസ്ഥാൻ ലോകകപ്പ് ക്രിക്കറ്റ് മത്സരം കാണാനെത്തിയ നടി ഉർവശി റൗട്ടേലയുടെ 24 കാരറ്റ് സ്വർണ ഐഫോൺ നഷ്ടപ്പെട്ടു. ഫോൺ കണ്ടെത്താൻ സഹായിക്കണമെന്ന് അഭ്യർത്ഥിച്ച് നടി തന്നെയാണ് ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നത്.
ഉർവശി റൗട്ടേലയുടെ പോസ്റ്റിന് പിന്നാലെ അഹമ്മദാബാദ് പോലീസും രംഗത്തെത്തിയിരുന്നു. കഴിഞ്ഞ ദിവസമായിരുന്നു അഹമ്മദാബാദ് നരേന്ദ്രമോദി ക്രിക്കറ്റ് സ്റ്റേഡിയത്തിൽ ഇന്ത്യ- പാകിസ്ഥാൻ ക്രിക്കറ്റ് മത്സരം അരങ്ങേറിയത്.
View this post on Instagram
24 കാരറ്റ് യഥാർത്ഥ സ്വർണംകൊണ്ടുള്ള ഐ ഫോൺ അഹമ്മദാബാദ് നരേന്ദ്രമോദി സ്റ്റേഡിയത്തിൽ നഷ്ടപ്പെട്ടു. എന്തെങ്കിലും വിവരം ലഭിക്കുന്നവർ വിവരമറിയിക്കുക എന്നാണ് ഉർവശി റൗട്ടേല പങ്കുവെച്ചത്. നിരവധി പ്രമുഖർ കഴിഞ്ഞ ദിവസം മത്സരം കാണാൻ എത്തിയിരുന്നു.
View this post on Instagram
Read more
ഒരു ലക്ഷത്തോളം ആളുകളാണ് കഴിഞ്ഞ ദിവസം കളി കാണാൻ എത്തിയത്. മത്സരത്തിൽ പാകിസ്ഥാനെതിരെ തകർപ്പൻ വിജയമാണ് ഇന്ത്യ സ്വന്തമാക്കിയത്.
