തമിഴില്‍ ഏറെ താരമൂല്യമുള്ള നടനാണ് ദളപതി വിജയ്. തെന്നിന്ത്യയില്‍ തന്നെ ഉയര്‍ന്ന പ്രതിഫലം വാങ്ങുന്നവരിലും മുമ്പന്‍ വിജയ് തന്നെ. തുടര്‍ച്ചയായുള്ള വിജയ ചിത്രങ്ങളാണ് വിജയുടെ മൂല്യം ഉയര്‍ത്തിയിരിക്കുന്നത്. ഒടുവില്‍ തിയേറ്ററുകളെത്തിയ ബിഗില്‍ വമ്പന്‍ വിജയം കൊയ്തപ്പോള്‍ റിലീസിന് ഒരുങ്ങുന്ന മാസ്റ്ററിന്റെ കാര്യത്തിലും എതിരഭിപ്രായം ഒന്നുമില്ല. ഇപ്പോഴിതാ ഈ ചിത്രങ്ങള്‍ക്കായ് വിജയ് വാങ്ങിയ പ്രതിഫലത്തുക പുറത്തുവിട്ടിരിക്കുകയാണ് സിനിമ ട്രാക്കര്‍ രാജശേഖര്‍.
ബിഗില്‍ എന്ന ചിത്രത്തിന് 50 കോടി രൂപയായിരുന്നു വിജയ്ക്ക് പ്രതിഫലം. ഈ ചിത്രത്തിന്റെ വിജയം മാസ്റ്ററിലേക്ക് എത്തിയപ്പോള്‍ വിജയ്‌യുടെ പ്രതിഫലം ഇരട്ടി ആക്കിയിരിക്കുകയാണ്. 80 കോടി രൂപയാണ് മാസ്റ്ററില്‍ അഭിനയിച്ചതിന് വിജയ്ക്ക് പ്രതിഫലം. 300 കോടിയ്ക്ക് മേല്‍ കളക്ഷനാണ് ബിഗില്‍ ബോകസ്ഓഫീസില്‍ വാരിക്കൂട്ടിയത്. മാസ്റ്ററും സൂപ്പര്‍ ഹിറ്റാകുമെന്ന പ്രതീക്ഷയില്‍ തന്നെയാണ് അണിയറ പ്രവര്‍ത്തകരും ആരാധകരും.
For #Bigil, Thalapathy Vijay”s salary is 50cr and for #Master, the remuneration is 80cr. IT sources made it clear that he paid taxes and the record is clear.
— Rajasekar (@sekartweets) March 12, 2020
Read more
അടുത്തിടെ മാസ്റ്ററിന്റെ ലൊക്കേഷനില്‍ നിന്ന് ഇന്ത്യന്‍ ടാക്‌സ് ഉദ്യോഗസ്ഥര്‍ വിജയ്‌യെ കസ്റ്റഡിയിലെടുത്ത് ചോദ്യം ചെയ്തിരുന്നു. എന്നാല്‍ അനധികൃതമായൊന്നും ഇവര്‍ക്ക് കണ്ടെത്താനായില്ല. ക്ലീന്‍ ചീട്ടാണ് വിജയ്ക്ക് ഇന്ത്യന്‍ ടാക്‌സ് ഉദ്യോഗസ്ഥര്‍ നല്‍കിയത്.
