തകര്‍പ്പന്‍ മേക്കോവറിലെത്തി സിനിമാ പ്രേമികളെ അത്ഭുതപ്പെടുത്തിയിരിക്കുകയാണ് നടന്‍ വിജയരാഘവന്‍. പൃഥ്വിരാജിനെ നായകനാക്കി കലാഭവന്‍ ഷാജോണ്‍ സംവിധാനം ചെയ്യുന്ന “ബ്രദേഴ്‌സ് ഡേ” എന്ന ചിത്രത്തിലാണ് വിജയരാഘവന്‍ തകര്‍പ്പന്‍ മേക്കോവറിലെത്തുന്നത്. ചിത്രത്തിന്റെ ലൊക്കേഷനില്‍ നിന്നു പുറത്തു വന്ന ചിത്രങ്ങള്‍ കഴിഞ്ഞ ദിവസങ്ങളില്‍ സോഷ്യല്‍ മീഡിയയില്‍ വൈറലായിരുന്നു. ടിഷര്‍ട്ടും കൂളിംഗ് ഗ്ലാസും ജീന്‍സും ധരിച്ച് ചുള്ളന്‍ ലുക്കിലായിരുന്നു വിജയരാഘവന്‍. ഇപ്പോഴിതാ വിജയരാഘവന്റെ ചെത്ത് ലുക്കിലുള്ള പോസ്റ്ററും പുറത്തു വിട്ടിരിക്കുകയാണ് ചിത്രത്തിന്റെ അണിയറ പ്രവര്‍ത്തകര്‍.
ടിഷര്‍ട്ടും കൂളിംഗ് ഗ്ലാസും ജീന്‍സും ധരിച്ച് നടി മഡോണയോടൊപ്പം ബുള്ളറ്റില്‍ പോകുന്ന വിജയരാഘവനാണ് പോസ്റ്ററില്‍. “ഒരു ഫ്രീക്കനും പെണ്ണും”എന്ന തലക്കെട്ടോടെ നടന്‍ പൃഥ്വിരാജാണ് പോസ്റ്റര്‍ പങ്കുവെച്ചിരിക്കുന്നത്. ഈ പോസ്റ്ററിനും മികച്ച സ്വീകാര്യതയാണ് സോഷ്യല്‍ മീഡിയയില്‍ ലഭിക്കുന്നത്. പൃഥ്വിരാജ് നായകനായെത്തുന്ന ചിത്രത്തില്‍ വമ്പന്‍ താര നിര തന്നെ അണിനിരക്കുന്നുണ്ട്.
Read more
ഷാജോണ്‍ തന്നെയാണ് ഈ ചിത്രത്തിന്റെ രചനയും നിര്‍വഹിച്ചിരിക്കുന്നത്. ഈ വര്‍ഷം ഓണം റിലീസ് ആയി എത്തിക്കാന്‍ പ്ലാന്‍ ചെയ്തിരിക്കുന്ന ചിത്രത്തിന്റെ ഷൂട്ടിംഗ് അതിന്റെ അവസാന ഘട്ടത്തില്‍ ആണ്. ഒരു ആക്ഷന്‍ കോമഡി എന്റെര്‍ടെയ്നര്‍ ആയിരിക്കും ബ്രദേഴ്‌സ് ഡേ എന്നാണ് സൂചന. ഈ ചിത്രത്തിന്റേതായി ഇതുവരെ പുറത്തു വന്നിട്ടുള്ള പോസ്റ്ററുകള്‍ എല്ലാം തന്നെ പ്രേക്ഷക ശ്രദ്ധ നേടിയെടുത്തിട്ടുണ്ട്. ഐശ്വര്യ ലക്ഷ്മി, മഡോണ സെബാസ്റ്റ്യ‍ന്‍ എന്നിവരും ഈ ചിത്രത്തിന്റെ താര നിരയുടെ ഭാഗം ആണ്.
