ഉയര്‍ന്ന താപനിലയെ തുടര്‍ന്നുണ്ടായ നിര്‍ജലീകരണം മൂലം ഷാരൂഖ് ഖാനെ ആശുപത്രിയില്‍ പ്രവേശിപ്പിച്ചു. അഹമ്മദാബാദിലെ നരേന്ദ്ര മോദി സ്‌റ്റേഡിയത്തില്‍ കൊല്‍ക്കത്ത നൈറ്റ് റൈഡേഴ്‌സും സണ്‍ റൈസേഴ്‌സ് ഹൈദ്രാബാദും തമ്മിലുള്ള ഐപിഎല്‍ മത്സരം കാണാനെത്തിയതായിരുന്നു താരം. അഹമ്മദാബാദിലെ താപനില ഈ സമയം 45 ഡിഗ്രി സെല്‍ഷ്യസ് ആയിരുന്നു.
ഇതേ തുടര്‍ന്നുണ്ടായ നിര്‍ജ്ജലീകരണം കാരണമാണ് കിംഗ് ഖാന് ശാരീരിക അസ്വസ്ഥത അനുഭവപ്പെട്ടത്. മക്കള്‍ക്കൊപ്പമാണ് താരം ചൊവ്വാഴ്ചത്തെ മത്സരം കാണാനെത്തിയത്. ആരോഗ്യം വീണ്ടെടുക്കുന്നതു വരെ ഷാരൂഖിനെ നിരീക്ഷണത്തില്‍ വയ്ക്കുകയായിരുന്നു. ഷാരൂഖിനെ പ്രവേശിപ്പിച്ചതിന് പിന്നാലെ ആശുപത്രിയില്‍ കനത്ത സുരക്ഷയും ഒരുക്കിയിരുന്നു.
Read more
നടിയും കിംഗ് ഖാന്റെ സുഹൃത്തുമായ ജൂഹി ചൗള ഭര്‍ത്താവിനൊപ്പം ആശുപത്രിയിലെത്തി താരത്തെ കണ്ടു. മക്കളായ സുബാനയും അബ്രാമും ഷാരൂഖിനൊപ്പമുണ്ടായിരുന്നു. ആരോഗ്യ നില തൃപ്തികരമാണെന്ന് കണ്ടെത്തിയതിനെ തുടര്‍ന്ന് ഷാരൂഖിനെ ആശുപത്രിയില്‍ നിന്ന് ഡിസ്ചാര്‍ജ്ജ് ചെയ്തിട്ടുണ്ട്.
