ഉക്രൈനില്‍ നിന്നും പോളണ്ടിലേക്ക് പലായനം ചെയ്യുന്ന അഭയാര്‍ത്ഥികള്‍ക്കൊപ്പം കാല്‍നട യാത്രക്കാരനായി ഹോളിവുഡ് നടനും സംവിധായകനുമായ സീന്‍ പെന്നും. താരം തന്നെയാണ് നടന്നു പോകുന്നതിന്റെ ചിത്രം ട്വീറ്ററില്‍ പങ്കുവച്ചിരിക്കുന്നത്.
”ഞങ്ങളുടെ കാര്‍ റോഡിനരികെ ഉപേക്ഷിച്ചതിന് ശേഷം ഞാനും രണ്ട് സഹപ്രവര്‍ത്തകരും പോളിഷ് അതിര്‍ത്തിയിലേക്ക് കിലോമീറ്ററുകള്‍ നടന്നു” എന്നാണ് തന്റെ ചിത്രം പങ്കുവച്ചു കൊണ്ട് സീന്‍ ട്വിറ്ററില്‍ കുറിച്ചത്.
കഴിഞ്ഞ വ്യാഴാഴ്ചയാണ് റഷ്യന്‍ അധിനിവേശത്തെ കുറിച്ചുള്ള ഡോക്യുമെന്ററിയുടെ ദൃശ്യങ്ങള്‍ ചിത്രീകരിക്കാനായി ഓസ്‌കര്‍ ജേതാവ് കൂടിയായ സീന്‍ പെന്‍ ഉക്രൈനിന്റെ തലസ്ഥാനമായ കീവില്‍ എത്തിയത്.
ഫെബ്രുവരി 24ന് റഷ്യന്‍ അധിനിവേശത്തിന്റെ ആദ്യ ദിവസമാണ് പ്രസിഡന്റ് വ്‌ളോഡിമര്‍ സെലെന്‍സ്‌കിയുടെ ഓഫീസില്‍ നടന്ന പത്രസമ്മേളനത്തില്‍ പങ്കെടുക്കാനായാണ് സീന്‍ ഉക്രൈനില്‍ എത്തിയത്.
ഡോക്യുമെന്ററിയ്ക്ക് വേണ്ടി ഉക്രേനിയന്‍ രാഷ്ട്രീയ, സൈനിക വ്യക്തികളെയും മാധ്യമപ്രവര്‍ത്തകരെയും പെന്‍ അഭിമുഖം നടത്തിയിരുന്നുവെന്നും അതിനായി നവംബറില്‍ പെന്‍ ഉക്രൈന്‍ സന്ദര്‍ശിച്ചിരുന്നുവെന്നും സെലെന്‍സ്‌കിയുടെ ഓഫീസ് പുറപ്പെടുവിച്ച പ്രസ്താവനയില്‍ പറയുന്നുണ്ട്.
Myself & two colleagues walked miles to the Polish border after abandoning our car on the side of the road. Almost all the cars in this photo carry women & children only, most without any sign of luggage, and a car their only possession of value. pic.twitter.com/XSwCDgYVSH
— Sean Penn (@SeanPenn) February 28, 2022
Read more
