സംഗീത കച്ചേരിക്കിടെ ഗായികക്ക് നോട്ടുമഴ. ഗുജറാത്തി ഗായിക ഗീത ബെന്‍ റബാരിയെയാണ് നോട്ടു കൊണ്ട് ആരാധകര്‍ പുതപ്പിച്ചത്. ഗുജറാത്ത് കച്ചിലെ റാപറില്‍ രാത്രി മുഴുവന്‍ നീണ്ടു നിന്ന സംഗീത പരിപാടിക്കിടെ നാലരക്കോടി രൂപയുടെ കറന്‍സിയാണ് ഗായികയ്ക്ക് ലഭിച്ചത്.
നോട്ടുകള്‍ക്ക് മുകളിലിരുന്ന് പാടുന്ന ഗീതയുടെ വീഡിയോ സോഷ്യല്‍ മീഡിയയില്‍ വൈറലാണ്. ഈ വീഡിയോ ഗായിക തന്നെയാണ് ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. പരിപാടിക്കെത്തിയ ജനക്കൂട്ടം വേദിയിലേക്ക് കടന്നുവന്ന് നോട്ടെറിയുന്നത് വീഡിയോയില്‍ കാണാം.
View this post on Instagram
കച്ചി കോയല്‍ എന്നു കൂടി അറിയപ്പെടുന്ന ഗീത ഗുജറാത്തിലെ ജനപ്രിയ ഗായികയാണ്. ഇവരുടെ സംഗീത പരിപാടികള്‍ക്ക് വന്‍ ജനക്കൂട്ടമാണ് എത്താറുള്ളത്. നോട്ടെറിയുന്നതും സാധാരണയാണ്.
Read more
കച്ചിലെ തപ്പാര്‍ ഗ്രാമത്തില്‍ ജനിച്ച ഗീത റബാരി അഞ്ചാം ക്ലാസ് മുതലാണ് നാടന്‍പാട്ട് ആലാപനം ആരംഭിച്ചത്. ഇവരുടെ ‘റോമാ സെര്‍ മാ’ എന്ന ഗാനമാണ് ഏറ്റവും ശ്രദ്ധേയം. യൂട്യൂബില്‍ ഇവര്‍ക്ക് ലക്ഷക്കണക്കിന് കാഴ്ചക്കാരുണ്ട്.
