ആലത്തൂര്‍ വെങ്ങന്നൂരില്‍ യുവാവിനെയും യുവതിയെയും തൂങ്ങിമരിച്ച നിലയില്‍ കണ്ടെത്തി. കുത്തനൂര്‍ ചിമ്പുകാട് മാറോണി കണ്ണന്റെ മകന്‍ സുകിനും വെങ്ങന്നൂര്‍ വാലിപ്പറമ്പ് ഉണ്ണികൃഷ്ണന്റെ മകള്‍ ഉപന്യയെയുമാണ് ജീവനൊടുക്കിയ നിലയില്‍ കണ്ടെത്തിയത്. ഉപന്യയുടെ വീടിനുള്ളിലാണ് ഇരുവരുടെയും മൃതദേഹം കണ്ടെത്തിയത്.
ഇരുവരും കഴിഞ്ഞ കുറച്ചുനാളുകളായി പ്രണയത്തിലായിരുന്നുവെന്നാണ് പൊലീസില്‍ നിന്ന് ലഭിക്കുന്ന വിവരം. വെങ്ങന്നിയൂരില്‍ കഴിഞ്ഞ ദിവസം അയ്യപ്പന്‍ വിളക്ക് നടന്നിരുന്നു. ഇരുവരും അയ്യപ്പന്‍ വിളക്ക് നടക്കുന്ന സ്ഥലത്തുണ്ടായിരുന്നു. തുടര്‍ന്ന് 11 മണിയോടെ ഇരുവരും ഉപന്യയുടെ വീട്ടിലേക്ക് പോയി.
Read more
ഈ സമയം ഉപന്യയുടെ വീട്ടില്‍ മറ്റാരും ഉണ്ടായിരുന്നില്ല. വീടിനുള്ളില്‍ ഒരേ ഹുക്കില്‍ ഒരു സാരിയുടെ രണ്ട് അറ്റത്തായി തൂങ്ങിയ നിലയിലായിരുന്നു ഇവരെ കണ്ടെത്തിയത്. രാത്രി 12 മണിയോടെ ഉപന്യയുടെ സഹോദരന്‍ ഉത്സവ സ്ഥലത്തു നിന്ന് എത്തിയപ്പോഴാണ് സംഭവം പുറത്തറിയുന്നത്.
