മോഹന്‍ലാല്‍ നായകനായെത്തിയ എമ്പുരാന്‍ ഒരു രാഷ്ട്രീയസിനിമ അല്ലാതിരുന്നിട്ടും സിനിമയ്ക്കെതിരെ ബിജെപി ആക്രമണം നടത്തിയെന്ന് മുഖ്യമന്ത്രി പിണറായി. സിനിമ ഒരു വ്യവസായമാണ്, ആയിരക്കണക്കിന് പേരാണ് ആ മേഖലയില്‍ പ്രവര്‍ത്തിക്കുന്നത്. സിനിമ ഒരു വലിയ സാമ്പത്തിക വിജയമാകുന്നത് അപൂര്‍വമാണ്.
സിനിമയെ താറടിച്ചുകാണിക്കുമ്പോള്‍ സ്വാഭാവികമായും അതിനുപിന്നില്‍ പ്രവര്‍ത്തിച്ച തൊഴിലാളികളാണ് ബാധിക്കപ്പെടുന്നത്. സംഘപരിവാര്‍ അംഗങ്ങള്‍ കൂടിയുള്ള ഒരു സെന്‍സര്‍ ബോര്‍ഡിനാല്‍ അംഗീകരിക്കപ്പെട്ട സിനിമയാണിത്. അത്തരത്തിലുള്ള സിനിമയെ അനാവശ്യമായ ആരോപണങ്ങള്‍ ചുമത്തി തകര്‍ക്കാന്‍ ശ്രമിക്കുകയാണ്. ഭാഗങ്ങള്‍ നീക്കം ചെയ്യുമ്പോള്‍ സിനിമയെ മൊത്തമായാണ് ബാധിക്കുന്നതെന്നും പിണറായി പറഞ്ഞു.
ഛത്തീസ്ഗഡില്‍ ഹിന്ദുക്കളല്ലാത്ത ആദിവാസികള്‍ ആക്രമിക്കപ്പെടുമ്പോള്‍ കേരളത്തില്‍ കമ്യൂണിസ്റ്റുകാരെ വേട്ടയാടുന്നുവെന്നും പിണറായി പറഞ്ഞു. സിപിഐ എം 24-ാം പാര്‍ട്ടി കോണ്‍?ഗ്രസിന്റെ സമാപന സമ്മേളനത്തില്‍ സംസാരിക്കുകയായിരുന്നു അദ്ദേഹം.
ചില പാര്‍ടികള്‍ സംഘപരിവാറിന്റെ പദ്ധതികളെ ന്യായീകരിക്കുമ്പോള്‍ ചില മതനേതാക്കള്‍ സംഘപരിവാറിന്റെ വഞ്ചനാപരമായ പദ്ധതികള്‍ തിരിച്ചറിയുന്നതില്‍ പരാജയപ്പെടുകയാണ്. ആര്‍എസ്എസിന്റെ നീക്കങ്ങള്‍ക്കൊപ്പം നില്‍ക്കാത്തവരില്‍ ശത്രുത വളര്‍ത്താനുള്ള തന്ത്രമാണിതെന്ന് ഇവര്‍ക്ക് മനസ്സിലാകുന്നില്ല.
Read more
വഖഫ് നിയമഭേദഗതി ബില്‍ പാര്‍ലമെന്റില്‍ പാസാക്കിയതിനുശേഷം ക്രൈസ്തവ സമൂഹത്തെയാണ് സംഘപരിവാര്‍ ലക്ഷ്യം വച്ചിട്ടുള്ളത്. ആര്‍എസ്എസ് മുഖപത്രം ഓര്‍ഗനൈസറിലെ ലേഖനം പിന്‍വലിച്ചെങ്കിലും അവരുടെ മനസ്സിലിരിപ്പ് കൃത്യമായി അറിയാനായെന്നും പിണറായി പ്രസംഗത്തില്‍ വ്യക്തമാക്കി.
