തിരുവനന്തപുരം ടാഗോർ ഹാളിൽ നടന്ന പരിപാടിയിൽ വെളിച്ചം കുറഞ്ഞതിൽ സംഘാടകരെ വിമർശിച്ച് മുഖ്യമന്ത്രി പിണറായി വിജയൻ. ഹാളിൽ മതിയായ വെളിച്ചമില്ലെന്നായിരുന്നു മുഖ്യമന്ത്രിയുടെ പരാതി. പരിപാടിയിൽ പങ്കെടുക്കുന്നവരെ കാണുന്ന തരത്തിൽ വെളിച്ചം വേണമെന്ന് മുഖ്യമന്ത്രി പറഞ്ഞു.
ടാഗോർ ഹാളിൽ നടന്ന ജിടെക് – സ്കിൽ ഫെസ്റ്റിവലിൻ്റെ ഉദ്ഘാടന പ്രസംഗത്തിന് ഒടുവിലായിരുന്നു വിമർശനം. സാധാരണ കലാപരിപാടികൾക്കാണ് മങ്ങിയ വെളിച്ചം ഏർപ്പെടുത്തുന്നത്. ഹാളിൽ അൽപ്പം ചൂട് കൂടുമെന്നെ ഉള്ളൂവെന്നും മുഖ്യമന്ത്രി പറഞ്ഞു.
Read more
മാസങ്ങൾക്ക് മുമ്പ് വേദിയിൽ മൈക്ക് തകരാറിനെ മുഖ്യമന്ത്രി വിമർശിച്ചിരുന്നു. ഇത് വലിയ രീതിയിൽ വാർത്തയായിരുന്നു. രണ്ടിടങ്ങളിലും മൈക്ക് തകരാറിലായ സംഭവത്തിൽ മുഖ്യമന്ത്രി പ്രകോപിതനാവുകയായിരുന്നു. മൈക്ക് തകരാറിലായ സംഭവത്തിൽ അന്വേഷണവും നടന്നിരുന്നു. പിന്നീട് ഒരു പരിപാടിയിൽ അവതാരകയെ പരസ്യമായി മുഖ്യമന്ത്രി വിമർശിച്ചതും ഏറെ ചർച്ചയായിരുന്നു.
