പത്തനംതിട്ട പോക്സോ കേസുമായി ബന്ധപ്പെട്ട സാമ്പത്തിക തട്ടിപ്പ് കേസിൽ ഒന്നാം പ്രതിയുടെ സഹോദരൻ അറസ്റ്റിൽ. രണ്ടാം പ്രതിയുടെ അമ്മയിൽ നിന്ന് ഒന്നാം പ്രതിയുടെ സഹോദരനാണു ലക്ഷങ്ങൾ തട്ടിയത്. ജാമ്യം ലഭിക്കാൻ ഡിവൈഎസ്പിക്കും വക്കീലിനും കൊടുക്കാനെന്ന് പറഞ്ഞാണ് എട്ടര ലക്ഷം രൂപ തട്ടിയത്. ചെന്നീർക്കര തോട്ടുപുറം സ്വദേശി ജോമോൻ മാത്യുവിനെ പൊലീസ് അറസ്റ്റ് ചെയ്തു.
59 പേർ ഉൾപ്പെട്ടെ കേസാണ് പത്തനംതിട്ട പോക്സോ കേസ്. രണ്ടുതവണ പൊലീസ് സ്റ്റേഷൻറെ സമീപത്ത് വെച്ചായിരുന്നു പണം കൈമാറിയത്. മൂന്ന് തവണ മറ്റിടങ്ങളിൽ വെച്ചും പണം കൈമാറുകയും ചെയ്തു. അമ്മയുടെ പരാതിയെത്തുടർന്നാണ് ജോമോനെ പൊലീസ് അറസ്റ്റ് ചെയ്തത്. ഇയാളെ ഇന്ന് റിമാൻറ് ചെയ്യും.
