സില്‍വര്‍ലൈന്‍ സമരം സംപ്രേഷണം ചെയ്യുന്ന മാധ്യമങ്ങളെ കുറ്റപ്പെടുത്തി സിപിഐഎം പോളിറ്റ്ബ്യൂറോ അംഗം എസ് രാമചന്ദ്രന്‍ പിള്ള രംഗത്ത്. കെ റെയില്‍ സമരം ഉയര്‍ത്തിക്കാട്ടി ജനങ്ങളെ തെറ്റിധരിപ്പിക്കാനാണ് മാധ്യമങ്ങള്‍ ശ്രമിക്കുന്നതെന്ന് എസ്ആര്‍പി പറഞ്ഞു. പദ്ധതിയെ എതിര്‍ക്കുന്നത് ചെറിയ വിഭാഗം ആളുകള്‍ മാത്രമെന്ന് അദ്ദേഹം പറഞ്ഞു. ജനങ്ങളെ സിപിഐഎം കാര്യങ്ങള്‍ ബോധിപ്പിക്കുമെന്നും അദ്ദേഹം കൂട്ടിച്ചേര്‍ത്തു.
അതിനിടെ സില്‍വര്‍ലൈന്‍ പദ്ധതിക്കെതിരായ പ്രതിഷേധങ്ങളെ അതിജീവിക്കുമെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. വിവിധ രാഷ്ട്രീയ പാര്‍ട്ടികളുടെ സ്ഥാപിത താല്‍പര്യങ്ങളാണ് പ്രശ്‌നം വഷളാക്കുന്നത്. കോണ്‍ഗ്രസും ബിജെപിയും സാധാരണക്കാരെ തെറ്റിധരിപ്പിച്ചാണ് സമരത്തിനിറക്കുന്നതെന്നും കോടിയേരി കുറ്റപ്പെടുത്തി.
Read more
സംസ്ഥാനത്തിന്റെ വിവിധ ഭാഗങ്ങളില്‍ ഇന്നും കെ റെയില്‍ കുറ്റിയിടലുമായി ബന്ധപ്പെട്ട പ്രതിഷേധങ്ങള്‍ കനക്കുകയാണ്. കോട്ടയം നട്ടാശേരിയില്‍ ഉദ്യോഗസ്ഥരും നാട്ടുകാരും തമ്മില്‍ വാക്കേറ്റമുണ്ടായി. അതിനിടെ ഇന്നലെ പ്രതിഷേധമുണ്ടായ തിരുനാവായില്‍ ഇന്ന് വീണ്ടും സര്‍വ്വേ നടപടികള്‍ ആറംഭിക്കും. കോഴിക്കോടും ചോറ്റാനിക്കരയിലും സര്‍വ്വേ നിര്‍ത്തിവെച്ചു.
