വാവ സുരേഷിന്റെ നിലവിലെ ആരോഗ്യ നില വിശദീകരിച്ച് കോട്ടയം മെഡിക്കല്‍ കോളജ് സൂപ്രണ്ട് ഡോക്ടര്‍ ടി.കെ ജയകുമാര്‍. നിലവില്‍ ആരോഗ്യനില തൃപ്തികരമാണെന്ന് ഡോ.ടി.കെ ജയകുമാര്‍ അറിയിച്ചു.
വാവ സുരേഷ് വെന്റിലേറ്ററില്‍ തന്നെ തുടരേണ്ടി വരുമെന്ന് ഡോക്ടര്‍ വ്യക്തമാക്കി. ഇനിയും ആന്റിവെനവും , ആന്റിബയോട്ടിക്കും, നുട്രീഷന്‍ സപ്പോര്‍ട്ടും, ഫിസിയോ തെറാപ്പി നല്‍കേണ്ടി വരുമെന്നും അദ്ദേഹം പറഞ്ഞു. ആശാവഹമായ പുരോഗതിയാണ് ഉണ്ടായിരിക്കുന്നതെന്നും ഡോക്ടര്‍ വ്യക്തമാക്കി.
വാവ സുരേഷിന് യാത്രാ മധ്യേ തന്നെ ഹൃദയാഘാതം സംഭവിച്ചതായി സ്ഥിരീകരിച്ച് ഡോക്ടര്‍.സ്വകാര്യ ആശുപത്രിയിലെത്തുമ്പോള്‍ ഹൃദയമിടിപ്പ് 20 മാത്രമായിരുന്നു. എത്രമാത്രം സമയം തലച്ചോറിലേക്ക് രക്തയോട്ടം ഉണ്ടായില്ല എന്നതെല്ലാം വിലയിരുത്തിയ ശേഷം മാത്രമേ തുടര്‍ ആരോഗ്യ പ്രശ്നങ്ങള്‍ എന്തെല്ലാം ഉണ്ടാകാം എന്നതിനെ കുറിച്ച് അറിയാന്‍ സാധിക്കൂവെന്നും അദ്ദേഹം വ്യക്തമാക്കി.
Read more
ഇന്ന് ആദ്യം പ്രതികരണം കുറവായിരുന്നുവെങ്കിലും നിലവില്‍ ചോദ്യങ്ങളോടും മറ്റും പ്രതികരിക്കുന്നുണ്ടെന്നും ഡോക്ടര്‍ പറഞ്ഞു. അടുത്ത 48 മണിക്കൂര്‍ വരെ നിര്‍ണായകമാണെന്നും ഡോക്ടര്‍ കൂട്ടിച്ചേര്‍ത്തു.
