ഏകീകൃത സിവില്‍ കോഡ് രാജ്യത്ത് നടപ്പാക്കുമെന്ന് കേന്ദ്ര ആഭ്യന്തര മന്ത്രി അമിത്ഷാ. ബിജെപി കുറഞ്ഞത് 30 വര്‍ഷമെങ്കിലും അധികാരത്തിലുണ്ടാകുമെന്നും അമിത്ഷാ പറഞ്ഞു. ബിജെപിയുടെ ദേശീയ അദ്ധ്യക്ഷനായിരുന്നപ്പോള്‍ അടുത്ത 30 വര്‍ഷത്തേക്ക് ബിജെപി അധികാരത്തില്‍ തുടരുമെന്ന് താന്‍ പറഞ്ഞിരുന്നതായും അമിത്ഷാ കൂട്ടിച്ചേര്‍ത്തു.
നിലവില്‍ പത്ത് വര്‍ഷം മാത്രമേ കഴിഞ്ഞിട്ടുള്ളൂ. ഇനിയും വര്‍ഷങ്ങള്‍ ബാക്കിയുണ്ട്. ഏകീകൃത സിവില്‍ കോഡ് നടപ്പിലാക്കുക ബിജെപി രൂപീകരിച്ചത് മുതല്‍ അതിന്റെ പ്രധാന അജണ്ടകളിലൊന്നാണ്. ആര്‍ട്ടിക്കിള്‍ 370 റദ്ദാക്കുമെന്ന് തങ്ങള്‍ പറഞ്ഞു. തങ്ങളത് ചെയ്തു. അയോധ്യയില്‍ രാമക്ഷേത്രം നിര്‍മ്മിക്കുമെന്നും വ്യക്തമാക്കിയിരുന്നു. അതും നടപ്പിലാക്കിയെന്നും അമിത്ഷാ വ്യക്തമാക്കി.
Read more
ഇനി ബാക്കിയുള്ളത് ഏകീകൃത സിവില്‍കോഡാണ്. അതും തങ്ങള്‍ നടപ്പിലാക്കും. ഉത്തരാഖണ്ഡ് യുയുസി നടപ്പിലാക്കി. ഗുജറാത്ത് അതിനായി ഒരു കമ്മിറ്റി രൂപീകരിച്ചു. ബിജെപി ഭരിക്കുന്ന എല്ലാ സംസ്ഥാന സര്‍ക്കാരുകളും ഒന്നൊന്നായി ഇത് അവതരിപ്പിക്കുമെന്നും അമിത്ഷാ പറഞ്ഞു.
