സ്വവർഗവിവാഹത്തിൽ എതിർപ്പ് അറിയിച്ച് ബാലാവകാശ കമ്മീഷൻ. ദേശീയ ബാലാവകാശ കമ്മീഷനാണ് സ്വവർഗ വിവാഹത്തെ നിയമ വിധേയമാക്കുന്നതിനെ എതിർത്ത് സുപ്രീംകോടതിയെ സമീപിച്ചത്. ഇത്തരത്തിൽ വിവാഹിതരാകുന്ന പങ്കാളികൾക്ക് കുട്ടികളെ ദത്തെടുക്കാൻ അനുവാദം നൽകില്ലെന്നും കമ്മീഷൻ കോടതിയെ അറിയിച്ചു. സ്വവർഗ വിവാഹം നിയമവിധേയമാക്കുന്നതിൽ എതിർപ്പറിയിച്ച് ന്യൂനപക്ഷ സംഘടനകളും നേരത്തെ തന്നെ രംഗത്തുവന്നിരുന്നു.
Read more
നഗരകേന്ദ്രീകൃത വരേണ്യ വർഗത്തിൻ്റെ കാഴ്ച്ചപ്പാടാണ്
സ്വവർഗ വിവാഹം എന്നാണ് കേന്ദ്രം സുപ്രീംകോടതിയെ അറിയിച്ചത്. എന്നാൽ നിലവിലെ സാമൂഹിക സ്വീകാര്യതയ്ക്ക് വേണ്ടി മാത്രം പറയുന്ന പ്രസ്താവനകളായേ ഇതിനെ കാണാനാകു. ഹർജികൾ നിലനിൽക്കുമോ എന്ന് കോടതി ആദ്യം പരിശോധിക്കേണ്ടതുണ്ട്. നിയമനിർമ്മാണ സഭകളാണ് ഇതിൽ തീരുമാനം എടുക്കേണ്ടത്. ഈ വിഷയത്തിൽ സർക്കാരിന് മുന്നോട്ട് പോകണമെങ്കിൽ അത് രാജ്യത്തെ മതവിഭാഗങ്ങളെ അടക്കം കണക്കിലെടുത്തേ മതിയാകൂ എന്നും കേന്ദ്രം കോടതിയിൽ അറിയിച്ചു.
