ഇക്കഴിഞ്ഞ കുറെ നാളുകളായി നാം വാങ്ങികഴിക്കുന്ന ഭക്ഷണങ്ങളിൽ നിന്നും മറ്റുമായി ജീവികളടങ്ങിയ വസ്തുക്കൾ കണ്ടെത്തിയതിന്റെ വാർത്തകൾ ശ്രദ്ധേയമാണ്. പല്ലി, തവള, പാറ്റ, ബ്ലേഡ്, പുഴു അങ്ങനെ തുടങ്ങി നിരവധി വസ്തുക്കളാണ് നാം ഓഡർ ചെയ്യുന്ന അല്ലെങ്കിൽ വാങ്ങി കഴിക്കുന്ന ഭക്ഷണങ്ങളിൽ നിന്നും കണ്ടെത്തിയിട്ടുള്ളത്. ഇതിന്റെ വിഡിയോയും സാമൂഹ്യ മാധ്യമങ്ങളിൽ പ്രത്യക്ഷപ്പെടാറുമുണ്ട്.
എന്നാൽ ഇത്തരത്തിൽ @Amul_Coop വെബ്സൈറ്റിൽ നിന്ന് ഉൽപ്പന്നങ്ങൾ വാങ്ങിയ ഒരു യുവാവിന്റെ വീഡിയോ ആണ് ശ്രദ്ധ നേടുന്നത്. ഗജേന്ദ്ര യാദവ് എന്ന യുവാവ് താൻ ഓൺലൈൻ ആയി ഓഡർ ചെയ്ത് വാങ്ങിയ അമൂലിന്റെ മോര് പാക്കറ്റിനൊപ്പം നുരയ്ക്കുന്ന പുഴുക്കൾ കിട്ടിയെന്നാരോപിച്ച് രംഗത്തെത്തിയത്. സാമൂഹ്യമാധ്യമത്തിൽ ഇതിന്റെ വീഡിയോയും യുവാവ് പങ്കവച്ചിട്ടുണ്ട്.
@Amul_Coop എന്ന വെബ്സൈറ്റിൽ നിന്ന് ഉൽപ്പന്നങ്ങൾ വാങ്ങുന്നത് നിർത്തുക എന്നാണ് യുവാവ് പോസ്റ്റിൽ എഴുതിയിട്ടുള്ളത്. ‘ഹേ അമുൽ, നിങ്ങളുടെ ഉയർന്ന പ്രോട്ടീൻ മോരിനൊപ്പം നിങ്ങൾ ഞങ്ങൾക്ക് പുഴുക്കളെ അയച്ചു. ഈയിടെ വാങ്ങിയ മോരിൽ പുഴുക്കളെ കണ്ടെത്തിയതിനെ തുടർന്നുള്ള അതൃപ്തി പ്രകടിപ്പിക്കാനാണ് ഞാൻ എഴുതുന്നത്. ഈ അനുഭവം അവിശ്വസനീയമായിരുന്നു….’- യുവാവിന്റെ പോസ്റ്റ്
🚨 Stop Buying products from @Amul_Coop website 🚨
Hey Amul you have sent us WORMS along with your high protien buttermilk.
I am writing to express my deep dissatisfaction after discovering worms in the buttermilk I purchased recently. This experience was incredibly….. pic.twitter.com/vmLC4rp89z
— Gajender Yadav (@imYadav31) July 17, 2024
ഒരു വിഡിയോയും രണ്ട് ഫോട്ടോയുമാണ് യുവാവ് പോസ്റ്റ് ചെയ്തിട്ടുള്ളത്. വീഡിയോയില്‍ 30 പേപ്പർ ഫോയിലുകളിലായി കവര്‍ ചെയ്ത ഒരു ബണ്ടില്‍ മോര് പാക്കറ്റ് കാണിക്കുന്നുണ്ട്. ഇതില്‍ നിന്നും ഏതാനും മോര് പാക്കറ്റുകള്‍ മാറ്റിയിട്ടുണ്ട്. മോര് മാറ്റിയ ഭാഗത്തെ പാക്കറ്റ് പൊട്ടി ഒഴുകിയതിന്‍റെ പാടുണ്ട്. അവിടെ കുറച്ച് പുഴുക്കള്‍ നുരയ്ക്കുന്നത് കാണാം. പാക്കറ്റുകളുടെ പകുതിയോളം കീറിയ നിലയിലായിരുന്നു. ചീഞ്ഞളിഞ്ഞ മോരിൽ നിന്നും ദുർഗന്ധം വരുന്നുണ്ടായിരുന്നുവെന്നും യുവാവ് കൂട്ടിച്ചേർത്തു.
അതേസമയം പരിശോധന ആവശ്യപ്പെട്ട് അമൂലിന് അയച്ച ഇമെയില്‍ സന്ദേശങ്ങളും യുവാവ് പങ്കുവച്ചു. പിന്നാലെ അമുൽ മാപ്പ് പറഞ്ഞതായും പ്രശ്‌നം പരിഹരിക്കാൻ ആളെ അയയ്‌ക്കുമെന്നും പണം തിരികെ നല്‍കാമെന്ന് അറിയിച്ചതായും യുവാവ് കുറിച്ചു. നിരവധി ആളുകൾ വീഡിയോയ്ക്ക് പിന്നാലെ സമൂഹ മാധ്യമത്തില്‍ തങ്ങളുടെ അഭിപ്രായങ്ങൾ എഴുതിയിട്ടിട്ടുണ്ട്.
