ഈ മാസം 17ന് നടത്താന്‍ നിശ്ചയിച്ചിരിക്കുന്ന ദേശീയ യോഗ്യത പ്രവേശനപരീക്ഷ (നീറ്റ്-യു.ജി) യ്ക്ക് മാറ്റമില്ല. പരീക്ഷ മാറ്റിവയ്ക്കണമെന്ന് ആവശ്യപ്പെട്ട് സമര്‍പ്പിച്ചിരുന്ന ഹര്‍ജി ഡല്‍ഹി ഹൈക്കോടതി തള്ളി. മെഡിക്കല്‍, ഡെന്റല്‍ ബിരുദ കോഴ്സുകളിലേക്കുള്ള പ്രവേശനപരീക്ഷ മാറ്റിവെക്കണമെന്നായിരുന്നു ആവശ്യം.
Read more
പ്രളയം മൂലമുള്ള ഗുരുതര സാഹചര്യത്തില്‍ ചില പരീക്ഷകേന്ദ്രങ്ങളില്‍ എത്താനുള്ള ദുരവസ്ഥ പരിഗണിക്കണം. പരീക്ഷയുമായി ബന്ധപ്പെട്ട പരാതികള്‍ തീര്‍പ്പാക്കുന്നതിന് പരാതി പരിഹാര സംവിധാനം സ്ഥാപിക്കണം. പരാതികള്‍ പരിഹരിച്ചശേഷം പരീക്ഷ തീയതി പുനഃക്രമീകരിച്ച് വിജ്ഞാപനം പുറപ്പെടുവിക്കണമെന്നാണ് ഹര്‍ജിയില്‍ അപേക്ഷകര്‍ ആവശ്യപ്പെട്ടിരുന്നത്.
