തമിഴ്‌നാട്ടില്‍ ഭാഷാപ്പോര് മുറുകുന്നതിനിടെ നിര്‍ണായക നീക്കവുമായി കേന്ദ്ര സര്‍ക്കാര്‍. തമിഴ്‌നാട്ടില്‍ ഇനി മുതല്‍ കാലാവസ്ഥ അറിയിപ്പുകള്‍ ഹിന്ദിയിലും നല്‍കാനാണ് കേന്ദ്ര സര്‍ക്കാര്‍ തീരുമാനം. ചെന്നൈ റീജിയണല്‍ മീറ്ററോളജിക്കല്‍ സെന്റര്‍ ഹിന്ദിയിലും റിലീസുകള്‍ നല്‍കും. നേരത്തെ ഇംഗ്ലീഷിലും തമിഴിലും മാത്രമായിരുന്നു അറിയിപ്പുകള്‍ നല്‍കിയിരുന്നത്.
ഇതോടെ മൂന്ന് ഭാഷകളിലാണ് റിലീസ് നല്‍കുന്നത്. ഭാഷാപ്പോര് മുറുകുന്നതിനിടെ പ്രകോപനപരമായ നീക്കമാണ് കേന്ദ്രത്തിന്റെ ഭാഗത്തു നിന്നും ഉണ്ടായത്. അതേസമയം ഭാഷാപോര് രൂക്ഷമായിരിക്കെ തമിഴ്‌നാട് ബജറ്റില്‍ തമിഴിന്റെ പ്രചാരണത്തിനായി ഏറെ പദ്ധതികള്‍ പ്രഖാപിച്ചിരുന്നു.
Read more
തമിഴ് താളിയോല ഗ്രന്ഥങ്ങള്‍ ഡിജിറ്റല്‍വത്കരിക്കുന്നതിനമായി രണ്ട് കോടി രൂപ അനുവദിച്ചു. തമിഴ് ബുക്ക് ഫെയര്‍ രാജ്യത്തിന്റെ വിവിധ ഭാഗങ്ങളില്‍ നടത്തും. ദുബൈയിലും സിംഗപ്പൂരിലുമടക്കം ബുക്ക് ഫെയര്‍ നടത്താന്‍ തീരുമാനമായി. വിദേശത്തുള്ള കുട്ടികളെ തമിഴ് ഭാഷയും സംസ്‌കാരവും പഠിപ്പിക്കാനായി പത്ത് കോടി രൂപ അനുവദിച്ചു.
