ടെസ്റ്റ് ക്രിക്കറ്റില്‍ വിരാട് കോഹ്ലിയുടെ ഫോമില്‍ ഇന്ത്യന്‍ ടീം മാനേജ്മെന്റ് ആശങ്കാകുലരാണ്. തന്റെ ബാറ്റില്‍ നിന്ന് വെറും മൂന്ന് സെഞ്ചുറികള്‍ മാത്രം നേടിയ അദ്ദേഹം കഴിഞ്ഞ അഞ്ച് വര്‍ഷമായി മികച്ച പ്രകടനം പുറത്തെടുത്തിട്ടില്ല. ന്യൂസിലന്‍ഡിനെതിരായ ഏറ്റവും പുതിയ പരമ്പരയില്‍, സ്പിന്നര്‍മാര്‍ക്ക് ഒരു വാക്കിംഗ് വിക്കറ്റായിരുന്നു കോഹ്ലി. കൂടാതെ മൂന്ന് ടെസ്റ്റ് മത്സരങ്ങളില്‍ നിന്ന് 93 റണ്‍സ് മാത്രമാണ് കോഹ്ലിക്ക് നേടാനായത്. ഒരു അര്‍ധസെഞ്ച്വറി മാത്രം നേടിയ അദ്ദേഹം ഫുള്‍ ടോസില്‍ പോലും ബൗള്‍ഡായി.
ഓസ്ട്രേലിയയില്‍ വിരാട് ഇന്ത്യയുടെ ഏറ്റവും മികച്ച ബാറ്ററായിരുന്നുവെങ്കിലും, കഴിഞ്ഞ കുറച്ച് പരമ്പരകളിലെ അദ്ദേഹത്തിന്റെ പ്രകടനം പ്രതീക്ഷ നല്‍കുന്നതല്ല. താരത്തിന്റെ ഫോമിനെക്കുറിച്ച് ഓസ്‌ട്രേലിയന്‍ മുന്‍ സ്പിന്നര്‍ കെറി ഒകീഫ് വിലയിരുത്തലുമായി രംഗത്തുവന്നു. നിലവില്‍ ദുര്‍ബലനാണെഹ്കിലും പേസര്‍മാരുടെ ഹിറ്റ് ലിസ്റ്റില്‍ കോഹ്‌ലിയുമുണ്ടാകുമെന്ന് അദ്ദേഹം പറഞ്ഞു.
വര്‍ഷങ്ങളായി ഓസീസ്‌ക്കെതിരെ കോഹ്ലി ഗംഭീരനായിരുന്നു. അവന് ഒരു അതിശയിപ്പിക്കുന്ന കളിക്കാരനാണ്. എന്നാല്‍ കാടിന്‍റെ രാജാവ് ദുര്‍ബലനാണ്. എന്നുവെച്ച് അവനെ നിസാരനായി കാണരുത്. വേനല്‍ക്കാലത്തിന്റെ അവസാനത്തില്‍ വിരാട് കോഹ്ലി എന്ത് നേടുമെന്ന് കാണാന്‍ രസകരമായിരിക്കും. അത് ഒരു നിര്‍ണ്ണായക ഘടകമായിരിക്കാം. അദ്ദേഹത്തിന് ഒരു ജ്വലിക്കുന്ന പരമ്പരയുണ്ടെങ്കില്‍ തുടര്‍ച്ചയായി മൂന്നാം തവണയും ഇന്ത്യക്ക് ബിജിടി നേടാനാകും- അദ്ദേഹം കൂട്ടിച്ചേര്‍ത്തു.
Read more
നവംബര്‍ 22ന് പെര്‍ത്തിലെ പോട്ടസ് സ്റ്റേഡിയത്തിലാണ് അഞ്ച് ടെസ്റ്റുകളുടെ പരമ്പര ആരംഭിക്കുന്നത്.
