2025ലെ ചാമ്പ്യൻസ് ട്രോഫിയിലെ മോശം പ്രകടനത്തിന് ബാബർ അസമിനെ വിമർശിച്ച് മുൻ പാകിസ്ഥാൻ സ്പിന്നർ ഡാനിഷ് കനേരിയ. ന്യൂസിലൻഡിനെതിരായ ടൂർണമെൻ്റ് ഓപ്പണറിൽ 90 പന്തിൽ 64 റൺസ് നേടിയ ബാബർ ഇന്ത്യക്കെതിരെ 23 റൺസിന് ബാബർ പുറത്തായി. വളരെ പതുക്കെയാണ് താരം കളിക്കുന്നതെന്നും സ്കോർ ഉയർത്താൻ ശ്രമിച്ചതും ഇല്ല എന്നുള്ളതാണ് പ്രധാന പരാതി.
ടീമിലെ ഏറ്റവും മികച്ച തത്വത്തിന് ഉത്തരവാദിത്വത്തോടെ കളിക്കാൻ പറ്റുന്നില്ല എന്നതാണ് അവരെ സങ്കടപെടുത്തുന്ന കാര്യം. 2023 ഓഗസ്റ്റിനു ശേഷമുള്ള തൻ്റെ ആദ്യ അന്താരാഷ്ട്ര സെഞ്ചുറിക്കായി ബാബർ കാത്തിരിക്കുമ്പോൾ അയാളെ ടീമിൽ നിന്ന് പുറത്താക്കണം എന്ന് പറയുന്നവർ ഏറെയാണ്.
എഎൻഐയ്ക്ക് നൽകിയ അഭിമുഖത്തിൽ, മികച്ച ടീമുകൾക്കെതിരെ സ്കോർ ചെയ്യാനുള്ള ബാബറിൻ്റെ കഴിവിനെ കനേരിയ ചോദ്യം ചെയ്തു. “ഇത്രയും കാലം ബാബർ റൺസ് നേടിയിട്ടില്ല. പക്ഷേ, സ്കോർ ചെയ്യുമ്പോൾ അത് സിംബാബ്‌വെയ്‌ക്കെതിരെയോ അല്ലെങ്കിൽ ചെറിയ ടീമുകൾക്കെതിരെയോ ആണ്. വലിയ ടീമുകൾക്ക് എതിരെ കളിക്കുമ്പോൾ അവന് മുട്ടുവിറക്കും”
ഇന്ത്യയുമായിട്ടുള്ള മത്സരത്തിന് മുമ്പ്, ബാബർ ടീമിൻ്റെ താൽപ്പര്യങ്ങൾക്ക് മുന്നിൽ വ്യക്തിഗത നാഴികല്ലുകൾക്കാണ് പ്രാധാന്യം നൽകിയതെന്ന് കനേറിയ പറഞ്ഞു.
“നാം ബാബർ അസമിനെക്കുറിച്ച് സംസാരിക്കുകയാണെങ്കിൽ, അവൻ തനിക്കുവേണ്ടിയാണ് കളിക്കുന്നത്. അവൻ സമ്മർദ്ദത്തിലായിരിക്കുമ്പോൾ, അവൻ വ്യക്തിഗത മികവും ഐസിസി റാങ്കിംഗും നിലനിർത്തുന്നതിൽ ശ്രദ്ധ കേന്ദ്രീകരിക്കുന്നു. ഞാൻ ഫിഫ്റ്റി സ്കോർ ചെയ്തു, ഞാൻ അത് ചെയ്തു എന്ന് പറയുന്നു. ടീമിനായി മത്സരം ജയിപ്പിക്കാനൊന്നും അവന് പറ്റില്ല”
വിമർശനങ്ങൾക്കിടയിലും, 55.51 ശരാശരിയിൽ 6106 റൺസും 128 മത്സരങ്ങളിൽ നിന്ന് ഏകദേശം 88 സ്‌ട്രൈക്ക് റേറ്റുമായി ബാബർ പാക്കിസ്ഥാൻ്റെ ഏറ്റവും മികച്ച ഏകദിന ബാറ്റർ ആയി തുടരുന്നു.
