ഫെബ്രുവരി 12 ബുധനാഴ്ച, അഹമ്മദാബാദിലെ ഐതിഹാസിക നരേന്ദ്ര മോദി സ്റ്റേഡിയത്തില്‍ നടന്നുകൊണ്ടിരിക്കുന്ന പരമ്പരയിലെ മൂന്നാമത്തെയും അവസാനത്തെയും ഏകദിനത്തില്‍ ടീം ഇന്ത്യ ഇംഗ്ലണ്ടുമായി കൊമ്പുകോര്‍ക്കുകയാണ്. ഇംഗ്ലണ്ട് നായകന്‍ ജോസ് ബട്ട്ലര്‍ പരമ്പരയിലെ തുടര്‍ച്ചയായ മൂന്നാം ടോസ് നേടി ആദ്യം ബോള്‍ ചെയ്യാന്‍ തീരുമാനിച്ചു. ടോം ബാന്റനെ കൊണ്ടുവന്ന് സന്ദര്‍ശകര്‍ അവരുടെ പ്ലേയിംഗ് ഇലവനില്‍ ഒരു മാറ്റം വരുത്തി. പേസര്‍ ജാമി ഓവര്‍ട്ടണ് വിശ്രമം നല്‍കാനാണ് അവര്‍ അങ്ങനെ ചെയ്തത്.
മറുവശത്ത് കഴിഞ്ഞ മത്സരത്തില്‍ നിന്ന് ചില മാറ്റങ്ങളോടെയാണ് ഇന്ത്യയും കളത്തിലിറങ്ങിയത്. ഓള്‍റൗണ്ടര്‍ രവീന്ദ്ര ജഡേജ, പേസര്‍ മുഹമ്മദ് ഷമി, സ്പിന്നര്‍ വരുണ്‍ ചക്രവര്‍ത്തി എന്നിവരെ ബെഞ്ചിലിരുത്തി. ഈ മത്സരത്തില്‍ ജഡേജയ്ക്കും ഷമിക്കും വിശ്രമം അനുവദിച്ചിരുന്നതായും ചക്രവര്‍ത്തിക്ക് കാല് വേദനയെ തുടര്‍ന്ന് അവസരം നഷ്ടമായെന്നും ഇന്ത്യന്‍ നായകന്‍ രോഹിത് ശര്‍മ്മ വെളിപ്പെടുത്തി. തല്‍ഫലമായി, അവര്‍ കുല്‍ദീപ് യാദവ്, വാഷിംഗ്ടണ്‍ സുന്ദര്‍, അര്‍ഷ്ദീപ് സിങ് എന്നിവര്‍ ടീമിലെത്തി.
ഞങ്ങള്‍ ആദ്യം ബാറ്റ് ചെയ്യാനും ബോര്‍ഡില്‍ റണ്‍സ് ഇടാനും ആഗ്രഹിച്ചു. കാരണം കഴിഞ്ഞ രണ്ട് മത്സരങ്ങളില്‍ ഞങ്ങള്‍ ആദ്യം ബോള്‍ ചെയ്തു. കഴിഞ്ഞ മത്സരത്തില്‍ ഞങ്ങള്‍ക്ക് ജയം പ്രധാനമായിരുന്നു. കഴിഞ്ഞ രണ്ട് മത്സരങ്ങളിലും ഫീല്‍ഡര്‍മാര്‍ മികച്ചു നിന്നു. ഫീല്‍ഡില്‍ മികച്ച പ്രകടനം തുടരാന്‍ ഞങ്ങള്‍ ആഗ്രഹിക്കുന്നു- ടോസിംഗ് വേളയില്‍ രോഹിത് ശര്‍മ്മ പറഞ്ഞു.
ഇന്ത്യ പ്ലേയിംഗ് ഇലവന്‍: രോഹിത് ശര്‍മ (സി), ശുഭ്മാന്‍ ഗില്‍, വിരാട് കോഹ്‌ലി, ശ്രേയസ് അയ്യര്‍, കെ എല്‍ രാഹുല്‍, ഹാര്‍ദിക് പാണ്ഡ്യ, അക്‌സര്‍ പട്ടേല്‍, വാഷിംഗ്ടണ്‍ സുന്ദര്‍, ഹര്‍ഷിത് റാണ, കുല്‍ദീപ് യാദവ്, അര്‍ഷ്ദീപ് സിംഗ്
ഇംഗ്ലണ്ട് പ്ലേയിംഗ് ഇലവന്‍: ഫിലിപ്പ് സാള്‍ട്ട് (WK), ബെന്‍ ഡക്കറ്റ്, ജോ റൂട്ട്, ഹാരി ബ്രൂക്ക്, ജോസ് ബട്ട്ലര്‍ (c), ടോം ബാന്റണ്‍, ലിയാം ലിവിംഗ്സ്റ്റണ്‍, ഗസ് അറ്റ്കിന്‍സണ്‍, ആദില്‍ റഷീദ്, മാര്‍ക്ക് വുഡ്, സാഖിബ് മഹ്‌മൂദ്.
