ഐപിഎല്‍ പുതിയ സീസണില്‍ നിന്ന് പിന്മാറിയ ഇംഗ്ലണ്ട് സൂപ്പര്‍ താരം ജേസണ്‍ റോയിയ്ക്ക് പകരക്കാരനെ ടീമിലെത്തിച്ച് ഗുജറാത്ത് ടൈറ്റന്‍സ്. അഫ്ഗാനിസ്ഥാന്‍ സൂപ്പര്‍ താരം റഹ്‌മാനുള്ള ഗുര്‍ബാസിനെയാണ് ജേസണ്‍ റോയിയ്ക്ക് പകരക്കാരനായി ടൈറ്റന്‍സ് ടീമിലെത്തിച്ചിരിക്കുന്നത്. ഇക്കാര്യം ഔദ്യോഗികമായി ഉടന്‍ പ്രഖ്യാപിക്കുമെന്നാണ് വിവരം.
ഗുര്‍ബാസ് തന്നെ തന്റെ ഔദ്യോഗിക ഇന്‍സ്റ്റ്ഗ്രാം ഹാന്‍ഡില്‍ ജേസണ്‍ റോയിയുടെ പകരക്കാരനായി എത്തുന്നെന്ന വിവരം സ്റ്റോറിയായി പങ്കുവെച്ചിട്ടുണ്ട്. 20കാരനായ ഗുര്‍ബാസ് അഫ്ഗാനിസ്ഥാനുവേണ്ടി 18 ടി20 മത്സരങ്ങളില്‍ നിന്ന് 531 റണ്‍സ് നേടിയിട്ടുണ്ട്. 79 റണ്‍സാണ് ഉയര്‍ന്ന സ്‌കോര്‍.
Gujarat Titans set to sign Rahmanullah Gurbaz as the replacement of Jason Roy. pic.twitter.com/ugG7xeKXeZ
— Johns. (@CricCrazyJohns) March 8, 2022
ബയോ ബബളില്‍ കൂടുതല്‍ കാലം തുടരുകയെന്ന വെല്ലുവിളി ചൂണ്ടിക്കാട്ടിയാണ് ജേസണ്‍ റോയ് പിന്മാറിയത്. ലേലത്തില്‍ 2 കോടി അടിസ്ഥാന വിലയ്ക്ക് ഗുജറാത്ത് ടൈറ്റന്‍സ് സ്വന്തമാക്കിയ താരമാണ് ജേസണ്‍ റോയ്.
Read more
31 കാരനായ റോയ് അടുത്തിടെ പിഎസ്എല്ലില്‍ മികച്ച പ്രകടനമാണ് കാഴ്ചവെച്ചത്. ആറ് മത്സരങ്ങള്‍ മാത്രം കളിച്ചിട്ടും ടൂര്‍ണമെന്റിലെ മികച്ച ബാറ്റര്‍മാരില്‍ ഒരാളായിരുന്നു അദ്ദേഹം. ലീഗില്‍ ഗ്ലാഡിയേറ്റേഴ്സിന്റെ താരമായ റോയ് 50.50 ശരാശരിയിലും 170.22 സ്‌ട്രൈക്ക് റേറ്റിലും 303 റണ്‍സ് നേടി. രണ്ട് അര്‍ദ്ധ സെഞ്ച്വറിയും ഒരു സെഞ്ച്വറിയും ഇതിലുള്‍പ്പെടും.
