ഇന്ത്യന്‍ പ്രീമിയര്‍ ലീഗിന്റെ (ഐപിഎല്‍) 16-ാം സീസണ്‍ അടുത്തിരിക്കെ, ടൂര്‍ണമെന്റിലെ ഏറ്റവും പുതിയ ഫ്രാഞ്ചൈസികളിലൊന്നായ ലഖ്നൗ സൂപ്പര്‍ ജയന്റ്സ്, ഈ വര്‍ഷത്തെ ഐപിഎല്ലിനായി അവര്‍ അണിയുന്ന പുതിയ ജേഴ്സി പുറത്തിറക്കി.
രവി ബിഷ്ണോയ്, അവേഷ് ഖാന്‍, ജയദേവ് ഉണ്ടകത്ത്, ദീപക് ഹൂഡ, ക്യാപ്റ്റന്‍ കെ എല്‍ രാഹുല്‍ എന്നിവര്‍ അനാച്ഛാദന ചടങ്ങില്‍ പങ്കെടുത്തു. അനാച്ഛാദന ചടങ്ങില്‍ ടീം ഒരു ഫാഷന്‍ ഷോയും സംഘടിപ്പിച്ചു, ഫ്രാഞ്ചൈസിയിലെ താരങ്ങളും ഷോയില്‍ പങ്കുചേര്‍ന്നു.
𝑵𝒂𝒚𝒂 𝑹𝒂𝒏𝒈, 𝑵𝒂𝒚𝒂 𝑱𝒐𝒔𝒉, 𝑵𝒂𝒚𝒊 𝑼𝒎𝒆𝒆𝒅, 𝑵𝒂𝒚𝒂 𝑨𝒏𝒅𝒂𝒂𝒛 👕💪#JerseyLaunch | #LucknowSuperGiants | #LSG pic.twitter.com/u3wu5LqnjN
— Lucknow Super Giants (@LucknowIPL) March 7, 2023
ബിസിസിഐ സെക്രട്ടറി ജയ് ഷാ, എല്‍എസ്ജിയുടെ ഉടമ സഞ്ജീവ് ഗോയങ്ക, ടീം മെന്റര്‍ ഗൗതം ഗംഭീര്‍ എന്നിവരും അനാച്ഛാദന ചടങ്ങില്‍ സന്നിഹിതരായിരുന്നു. പുതിയ ജേഴ്സി സീസണില്‍ തങ്ങളുടെ ടീമിന് ആവശ്യമായ ഭാഗ്യം കൊണ്ടുവരുമെന്ന് ടീം പ്രതീക്ഷിക്കുന്നു.
Lucknow Supergiants jersey for IPL 2023. pic.twitter.com/c7srsvY9BM
— Mufaddal Vohra (@mufaddal_vohra) March 7, 2023
Read more
എല്‍എസ്ജി കഴിഞ്ഞ വര്‍ഷം പോയിന്റ് പട്ടികയില്‍ മൂന്നാം സ്ഥാനത്തെത്തിയിരുന്നു. രാഹുലിന്റെ നേതൃത്വത്തില്‍ 17 കളികളില്‍നിന്ന് ടീം ഒമ്പത് ജയം നേടി. ഐപിഎല്‍ 2023 സീസണില്‍ എല്‍എസ്ജി മികച്ച ഫോം നിലനിര്‍ത്തുമെന്ന് പ്രതീക്ഷിക്കുന്നത്. ഏപ്രില്‍ ഒന്നിന് ഡല്‍ഹി ക്യാപിറ്റല്‍സിനെതിരെയാണ് ലഖ്‌നൗവിന്റെ സീസണിലെ ആദ്യ മത്സരം.
