ജയ്പൂരിൽ രാജസ്ഥാൻ റോയൽസിനെതിരെ റോയൽ ചലഞ്ചേഴ്‌സ് ബെംഗളൂരു നേടിയ വിജയത്തിനുശേഷം, ആർസിബി കളിക്കാർ വിരാട് കോഹ്‌ലിയെ കളിയാക്കുന്ന വീഡിയോ പുറത്ത് വന്നിരിക്കുകയാണ്. ആർ‌സി‌ബിയുടെ ഓസ്‌ട്രേലിയൻ ബാറ്റ്‌സ്മാനായ ടിം ഡേവിഡ്, കോഹ്‌ലിയുടെ ബാറ്റ് സ്വന്തം കിറ്റ് ബാഗിൽ ഒളിപ്പിച്ചുവെച്ച് ഇതിഹാസ ബാറ്റ്‌സ്മാൻ അത് കണ്ടെത്തുന്നതുവരെ കാത്തുനിൽക്കുന്ന വീഡിയോയാണ് പുറത്തുവന്നിരിക്കുന്നത്.
കോഹ്‌ലി ഡ്രസ്സിംഗ് റൂമിലേക്ക് എത്തിയപ്പോൾ, തന്റെ ഒരു ബാറ്റ് നഷ്ടപ്പെട്ടതായി പെട്ടെന്ന് മനസ്സിലായി. കിറ്റ് ബാഗിൽ ഏഴ് ബാറ്റിന് പകരം ആറിനം മാത്രമേ ഉള്ളു എന്ന് കോഹ്‌ലിക്ക് മനസിലായി. സഹതാരങ്ങളോട് അന്വേഷിച്ചെങ്കിലും ആരും അങ്ങനെ ഒരു ബാറ്റ് കണ്ടില്ല എന്നാണ് പറഞ്ഞത്. ശേഷം സംശയം തോന്നിയതിനാൽ കോഹ്‌ലി സഹതാരങ്ങളുടെ ബാഗുകളും പരിശോധിച്ച് ഒടുവിൽ ടിം ഡേവിഡിന്റെ ബാഗിൽ നിന്ന് ബാറ്റ് കണ്ടെത്തുക ആയിരുന്നു.
പിന്നീട് വീഡിയോയിൽ, ബാറ്റ് നഷ്ടപ്പെട്ടതിനെക്കുറിച്ച് കോഹ്‌ലിക്ക് പ്രത്യേകിച്ച് ആശങ്കയൊന്നും തോന്നിയില്ലെന്ന് ഡേവിഡ് സമ്മതിച്ചു. രാജസ്ഥാനെതിരെ മികച്ചൊരു അർദ്ധസെഞ്ച്വറി നേടി മികച്ച പ്രകടനം കാഴ്ചവച്ചതിലാണ് അദ്ദേഹം കൂടുതൽ ശ്രദ്ധ കേന്ദ്രീകരിച്ചത് എന്നും താരം പറഞ്ഞു. ഒടുവിൽ പ്രാങ്ക് വിജയിച്ച സന്തോഷത്തിൽ താരത്തോടൊപ്പം കോഹ്‌ലിയും ചിരിക്കുന്നത് കാണാൻ സാധിക്കും.
രാജസ്ഥാൻ ഉയർത്തിയ 174 റൺസ് വിജയലക്ഷ്യം ഒൻപത് വിക്കറ്റ് ശേഷിക്കെയാണ് ബെംഗളൂരു മറികടന്നത്. അർദ്ധ സെഞ്ച്വറി നേടിയ ഫിൽ സാൾട്ടും (65) വിരാട് കോഹ്‌ലിയുമാണ് (62*) ബെംഗളൂരുവിന്റെ ജയം അനായാസമാക്കിയത്. ദേവദത്ത് പടിക്കൽ (40*) ഇരുവ‍ർക്കും മികച്ച പിന്തുണ നൽകി.
𝐓𝐢𝐦 𝐃𝐚𝐯𝐢𝐝’𝐬 𝐩𝐫𝐚𝐧𝐤 𝐨𝐧 𝐕𝐢𝐫𝐚𝐭 𝐊𝐨𝐡𝐥𝐢 😂 🎀
Dressing room banter on point. What did Tim David take from Virat’s bag? Let’s find out. 😉#PlayBold #ನಮ್ಮRCB #IPL2025 pic.twitter.com/j9dIP1p2Np
— Royal Challengers Bengaluru (@RCBTweets) April 14, 2025
Read more
