ഓസീസ് ബാറ്റര്‍ മര്‍നസ് ലബുഷെയ്‌നെതിരെ പരിഹാസവുമായി ഇന്ത്യന്‍ പേസര്‍ മുഹമ്മദ് സിറാജ്. പെര്‍ത്തില്‍ 295 റണ്‍സിന് ഇന്ത്യ വിജയിച്ച മത്സരത്തിലെ ആദ്യ ഇന്നിംഗ്സില്‍ ഓസീസ് ബാറ്ററെ ഇന്ത്യന്‍ സ്പീഡ്സ്റ്റര്‍ പുറത്താക്കിയിരുന്നു. 52 പന്തില്‍ 2 റണ്‍സ് മാത്രമാണ് മാര്‍നസിന് നേടാനായത്. കഴിഞ്ഞ 10 ടെസ്റ്റ് ഇന്നിംഗ്സുകളില്‍, വലംകൈയ്യന്‍ ബാറ്റര്‍ 14-ന് താഴെ ശരാശരിയില്‍ എട്ട് ഒറ്റ അക്ക സ്‌കോറുകള്‍ നേടിയിട്ടുണ്ട്.
ഞാന്‍ മര്‍നസിനെതിരായ ബോളിംഗ് ഇഷ്ടപ്പെടുന്നു. കാരണം അവന്‍ വളരെയധികം സമ്മര്‍ദ്ദത്തിലാണ്. അവന്‍ ഒരുപാട് പന്തുകള്‍ ലീവ് ചെയ്യാന്‍ ശ്രമിക്കുന്നു. അത് ആത്മവിശ്വാസത്തോടെ കാണിക്കാന്‍ ശ്രമിക്കുന്നു. അത് യഥാര്‍ത്ഥത്തില്‍ ആത്മവിശ്വാസമല്ല. എന്റെ ആത്മവിശ്വാസം എപ്പോഴും ഉയര്‍ന്ന ഭാഗത്താണ്- സിറാജ് പറഞ്ഞു.
ടെസ്റ്റ് ഫോര്‍മാറ്റില്‍ സിറാജ് മൂന്ന് തവണ ലബുഷെയ്‌നെയുടെ വിക്കറ്റ് നേടിയെങ്കിലും ബാറ്റര്‍ 41.70 ശരാശരിയില്‍ 125 റണ്‍സ് നേടിയിട്ടുണ്ട്. 2023 ന്റെ തുടക്കം മുതല്‍ 37 ടെസ്റ്റ് ഇന്നിംഗ്സുകളില്‍ നിന്ന് 30 കാരനായ താരം ഒരു സെഞ്ച്വറി മാത്രമാണ് നേടിയത്.
Read more
ഈ അവസ്ഥയില്‍ ലബുഷെയ്‌നെ ടീമില്‍നിന്ന് പുറത്താക്കുന്നതിന് പകരം താരത്തിന് ഒരു ലോംഗ് റണ്‍ നല്‍കണമെന്ന് മുന്‍ ഓസ്ട്രേലിയന്‍ ക്യാപ്റ്റന്‍ മൈക്കല്‍ ക്ലാര്‍ക്ക് പറഞ്ഞു. ‘മൂന്നാം സ്ഥാനത്തുള്ള അവരുടെ ഏറ്റവും മികച്ച കളിക്കാരനാണ് അദ്ദേഹം. മര്‍നസ് ഒരു ക്ലാസ് ബാറ്ററാണ്, ഒരുക്കങ്ങള്‍ ട്രാക്കിലായാല്‍ കാര്യങ്ങള്‍ മാറ്റിമറിക്കും’ക്ലാര്‍ക്ക് പറഞ്ഞു.
