മുംബൈ ഇന്ത്യൻസിനെതിരായ 12 റൺസ് വിജയത്തോടെ ലഖ്‌നൗ സൂപ്പർ ജയന്റ്‌സ് വീണ്ടും വിജയവഴിയിൽ തിരിച്ചെത്തിയിരിക്കുകയാണ്. ബാറ്റിങ്ങിൽ അതിദയനീയ പ്രകടനം നടത്തിയ ഋഷഭ് പന്തിന് ഏതായാലും ക്യാപ്റ്റൻസി മികവിൽ ആരാധകർ ഹാപ്പിയായി. പന്തിനെ ടീമിൽ നിന്ന് ഒഴിവാക്കണം എന്നും പന്ത് ടി 20 യിൽ വേസ്റ്റ് ആണെന്നും ഉള്ള സംസാരം ശക്തം ആയിരുന്നു എങ്കിലും ക്യാപ്റ്റൻസി മികവ് കൊണ്ട് താരം അവർക്ക് ഉള്ള മറുപടി കൊടുക്കുക ആയിരുന്നു.
എന്തായാലും മത്സരശേഷം രോഹിത് ശർമ്മയും ലക്നൗ ടീം ഉടമയും ശാർദൂൽ താക്കൂറും ഒകെ ഭാഗമായ ഒരു വീഡിയോ സോഷ്യൽ മീഡിയയിൽ വൈറലാണ്. അവിടെ ലക്നൗ ഉടമ സഞ്ജീവ് ഗോയങ്കയോട് രോഹിത് ശർമ്മ താക്കൂറിനെ പുകഴ്ത്തി സംസാരിക്കുന്നതും ശേഷം എല്ലാവരും ചിരിക്കുന്നതും വിഡിയോയിൽ കാണാൻ സാധിച്ചു.
രണ്ടാം ഇന്നിംഗ്സിൽ എൽ‌എസ്‌ജിക്ക് വേണ്ടി മികച്ച തുടക്കം നൽകിയ ഷാർദുൽ താക്കൂർ, പവർപ്ലേയിൽ അപകടകാരിയായ എം‌ഐ ഓപ്പണർ റയാൻ റിക്കൽട്ടണിനെ (15) പുറത്താക്കി നല്ല തുടക്കമാണ് നൽകിയത്. പിന്നീട് അദ്ദേഹം തിരിച്ചെത്തി 19-ാം ഓവറിൽ മികച്ച പ്രകടനം കാഴ്ചവച്ചു, ഏഴ് റൺസ് മാത്രം വഴങ്ങി ടീമിനെ ഡ്രൈവിംഗ് സീറ്റിൽ ഇരുത്തി. ഇത് അവസാന ഓവറിൽ സഹതാരം ആവേശ് ഖാന് 22 റൺസ് പ്രതിരോധിക്കാൻ അവസരം നൽകി. അദ്ദേഹം അത് നന്നായി ചെയ്തതോടെ ലക്നൗ മത്സരം ജയിച്ചു.
രോഹിത് ശർമ്മയും സഞ്ജീവ് ഗോയങ്കയും തമ്മിലുള്ള ഷാർദുൽ താക്കൂരിന്റെ രസകരമായ സംസാരത്തിന്റെ ഒരു ദൃശ്യം നൽകാൻ ലഖ്‌നൗ അവരുടെ ഔദ്യോഗിക എക്‌സ് ഹാൻഡിൽ ഒരു വീഡിയോ പോസ്റ്റ് ചെയ്തു. രോഹിത് ഗോയങ്കയോട് പറഞ്ഞു:
“സർ, നിങ്ങൾക്ക് ഒരു ലോർഡ്( താക്കൂർ ) ഉള്ളപ്പോൾ എന്തിനാണ് വിഷമിക്കുന്നത്?”
— Lucknow Super Giants (@LucknowIPL) April 5, 2025
