ഇന്ത്യയിൽ നിലവിൽ ഉള്ളതിൽ ഏറ്റവും മികച്ച താരങ്ങളിൽ ഒരാളായ സഞ്ജു സാംസൺ അടുത്തകാലത്തായി ഏറ്റവും അധികം ക്രിക്കറ്റ് ലോകത്ത് ചർച്ചയായ താരമാണ്. സ്ഥിരതയില്ലാത്ത പ്രകടനങ്ങൾ കാരണം ടീമിന് അകത്തും പുറത്തും കഴിഞ്ഞതിന് ശേഷം, ദക്ഷിണാഫ്രിക്കയ്‌ക്കെതിരായ ആദ്യ ടി 20 ഐയിൽ മിന്നുന്ന സെഞ്ച്വറി നേടിയ സാംസൺ ഇന്ത്യൻ ടി 20 ഐ ടീമിൽ ഏറ്റവും ശക്തമായ സാന്നിധ്യമായി മാറിയിരിക്കുകയാണ്. ടി20യിൽ ബാക്ക് ടു ബാക്ക് സെഞ്ചുറികൾ നേടുന്ന ആദ്യ ഇന്ത്യക്കാരനായി താരം മാറി.
എന്നാൽ ടെസ്റ്റ് ക്രിക്കറ്റ് കളിക്കുക എന്നത് എല്ലാ ക്രിക്കറ്റ് താരങ്ങളുടെയും സ്വപ്നമാണ്, സാംസണും തന്റെ സ്വപ്നം പല തവണ പറഞ്ഞതാണ്. ടെസ്റ്റിൽ ഇന്ത്യയെ പ്രതിനിധീകരിക്കാനുള്ള വഴി എളുപ്പമല്ല, പക്ഷേ രോഹിത് ശർമ്മയും വിരാട് കോഹ്‌ലിയും അവരുടെ കരിയറിൻ്റെ അവസാനത്തിലേക്ക് നീങ്ങുമ്പോൾ കുറച്ച് സ്ലോട്ടുകൾ ഉണ്ടാകും.
സഞ്ജു സാംസണിൻ്റെ ബാല്യകാല പരിശീലകനും ഡൽഹി ക്യാപിറ്റൽസിൻ്റെ നിലവിലെ ഫീൽഡിംഗ് കോച്ചായ ബിജു ജോർജ്, സാംസണിന് ടെസ്റ്റ് തലത്തിലും മികവ് പുലർത്താൻ കഴിയുമെന്ന് കരുതുന്നു. റെഡ് ബോൾ ക്രിക്കറ്റിൽ സഞ്ജു കേരളത്തിനായി ഓപ്പൺ ചെയ്യണമെന്ന് താൻ ആഗ്രഹിക്കുന്നുവെന്നും അവനതിനുള്ള മികവ് ഉണ്ടെന്നും അദ്ദേഹം പറഞ്ഞിരിക്കുകയാണ് . സാംസണെ വീരേന്ദർ സെവാഗിനോട് താരതമ്യപ്പെടുത്തിയ അദ്ദേഹം, അദ്ദേഹത്തെപ്പോലുള്ള കളിക്കാർ എല്ലാ ദിവസവും വലിയ റൺസ് നേടില്ലെങ്കിലും മാച്ച് വിന്നർമാരാണെന്ന് പറഞ്ഞു.
“റെഡ് ബോൾ ക്രിക്കറ്റിൽ സഞ്ജു കേരളത്തിനായി ഓപ്പൺ ചെയ്യണമെന്ന് ഞാൻ ആഗ്രഹിക്കുന്നു. ഒരിക്കൽ റെഡ്-ബോൾ ക്രിക്കറ്റിൽ തൻ്റെ ബാറ്റിംഗ് പുറത്തെടുത്താൽ പിന്നെ ആർക്കും തന്നെ തടയാൻ കഴിയില്ല,” അദ്ദേഹം Rediff.com-ൻ്റെ ഹരീഷ് കോട്ടിയനോട് പറഞ്ഞു.
Read more
“ഇത് സഞ്ജുവിൻ്റെ രണ്ടാം വരവാണ്. ഒമ്പത് വർഷങ്ങൾക്ക് മുമ്പ് അരങ്ങേറ്റം കുറിച്ചെങ്കിലും വേണ്ടത്ര അവസരങ്ങൾ ലഭിച്ചില്ല. എന്നാൽ ഇപ്പോൾ ട്രാക്ക് ഒരുപാട് മാറി. അവൻ ഒരു ഇംപാക്റ്റ് പ്ലെയർ ആണെന്ന് ആളുകൾ മനസ്സിലാക്കണം. സെവാഗിനെ പോലെ ശൈലിയിൽ കളിക്കുന്ന സഞ്ജു ഒരു റിയൽ മാച്ച് വിന്നറാണ്” ജോർജ് പ്രതികരിച്ചു.
