പാകിസ്താന്‍ സൂപ്പര്‍ ലീഗ് മത്സരത്തിനിടെ ഗ്രൗണ്ടില്‍ വെച്ച് സഹതാരത്തിന്റെ മുഖത്തടിച്ച് പാക് പേസര്‍ ഹാരിസ് റൗഫ്. ക്യാച്ച് കൈവിട്ടതിന്റെ ദേഷ്യമാണ് റൗഫ് സഹതാരത്തിന്റെ മുഖത്തടിച്ച് തീര്‍ത്തത്. കമ്രാന്‍ ഗുലാമാണ് റൗഫിന്റെ പ്രഹരം ഏറ്റുവാങ്ങിയത്.
പെഷവാര്‍ സാല്‍യ്ക്കെതിരായ മത്സരത്തിന്റെ രണ്ടാം ഓവറിലാണ് സംഭവം. റൗഫെറിഞ്ഞ രണ്ടാം പന്തില്‍ പെഷവാറിന്റെ അഫ്ഗാനിസ്താന്‍ താരം ഹസ്റത്തുള്ള സസായിയുടെ ക്യാച്ച് ഗുലാം പാഴാക്കി. പിന്നീട് ഇതേ ഓവറിലെ അഞ്ചാം പന്തില്‍ സസായിക്കൊപ്പം ക്രീസിലുണ്ടായിരുന്ന ഓപ്പണര്‍ മുഹമ്മദ് ഹാരിസിനെ റൗഫ് പുറത്താക്കി.
ഈ വിക്കറ്റ് നേട്ടം ആഘോഷിക്കാന്‍ എത്തിയപ്പോഴാണ് റൗഫ് ഗുലാമിന്റെ മുഖത്തടിച്ചത്. റൗഫിന്റെ പ്രതികരണത്തെ പുഞ്ചിരിയോടെയാണ് ഗുലാം നേരിട്ടത്. അടി വകവയ്ക്കാതെ താരം സഹതാരങ്ങള്‍ക്കൊപ്പം ആഹ്ലാദം പങ്കിട്ടു. എന്നാല്‍ റൗഫ് അപ്പോഴും ദേഷ്യത്തിലായിരുന്നു.
റൗഫിന്റെ പെരുമാറ്റം ക്രിക്കറ്റ് ലോകത്ത് വിവാദമായിരിക്കുകയാണ്. റൗഫ് ഗുലാമിനോട് പരസ്യമായി മാപ്പ് പറയണമെന്നാണ് ആരാധകരുതെ ആവശ്യം.
Wreck-it-Rauf gets Haris! #HBLPSL7 l #LevelHai l #LQvPZ pic.twitter.com/wwczV5GliZ
— PakistanSuperLeague (@thePSLt20) February 21, 2022
Read more
