ഇന്ത്യക്കെതിരായ രണ്ടാം ഏകദിനത്തിൽ ശ്രീലങ്കയ്ക്ക് 32 റൺസിന്റെ ജയമാണ് സ്വന്തമാക്കാൻ സാധിച്ചത്. ശ്രീലങ്ക ഉയർത്തിയ 241 റൺസ് വിജയലക്ഷ്യത്തിലേക്ക് ബാറ്റേന്തിയ ഇന്ത്യ 42.2 ഓാവറിൽ 208 റൺസിന് എല്ലാവരും പുറത്താവുകയായിരുന്നു. ഇതോടെ മൂന്ന് മത്സരങ്ങളുടെ പരമ്പരയിൽ ശ്രീലങ്ക മുന്നിലെത്തി. ആദ്യ മത്സരം ടൈയിൽ അവസാനിച്ചിരുന്നു. ആറ് വിക്കറ്റ് വീഴ്ത്തിയ പുതുമുഖം ജെഫ്രി വാൻഡർസേയാണ് ഇന്ത്യയെ തകർത്തെറിഞ്ഞത്. ആദ്യം ബാറ്റ് ചെയ്ത ലങ്ക തുടക്കത്തിലേ തകർച്ചക്ക് ശേഷം പിന്നെ പിന്നെ കരകയറി വരുക ആയിരുന്നു. ഇന്ത്യക്കായി വാഷിംഗ്ടൺ സുന്ദർ ഇന്ത്യക്ക് വേണ്ടി മൂന്ന് വിക്കറ്റെടുത്തു തിളങ്ങി.
മത്സരരത്തിൽ ഇന്ത്യ തോറ്റെങ്കിലും രോഹിതും വാഷിംഗ്ടണും ഉൾപ്പടെ രസകരമായ ഒരു നിമിഷം വൈറലായി. ശ്രീലങ്കയുടെ ഇന്നിംഗ്‌സിൻ്റെ 33-ാം ഓവറിൽ, പന്തെറിഞ്ഞ സുന്ദർ പന്തെറിയൻ റണ്ണപ്പ് എടുത്ത് ഒരിക്കൽ പിന്മാറി. രണ്ടാമതും സുന്ദർ ഇതാവർത്തിച്ചു. അതേസമയം, സ്ലിപ്പിൽ ഫീൽഡ് ചെയ്യുകയായിരുന്ന രോഹിത് സുന്ദറിന്റെ അരികിലേക്ക് ഓടിയെത്തി ഇടിക്കും എന്ന തരത്തിലുള്ള ആംഗ്യമാണ് കാണിച്ചത്. ഈ വീഡിയോ വൈറലായിട്ടുണ്ട്.
Rohit Sharma is a complete entertainer in the field. 💥👌.
Washington Sundar 😂😂#INDvSL pic.twitter.com/gfg11hWFuM— Stump & Bowled (@stumpNdBowled) August 4, 2024
ശ്രീലങ്ക ഉയർത്തിയ താരതമ്യേന ചെറിയ സ്കോർ പിന്തുടർന്ന ഇന്ത്യയുടെ ആദ്യ വിക്കറ്റ് പോകുമ്പോൾ 97 റൺസ് ആയിരുന്നു സ്കോർ ബോർഡിൽ. രോഹിത് ശർമ്മ 44 പന്തിൽ 64 റൺസ് നേടി നല്ലൊരു തുടക്കം ഈ മത്സരത്തിലും നൽകി. വൈസ് ക്യാപ്റ്റൻ ശുഭമൻ ഗിൽ 44 പന്തിൽ 35 റൺസ് നേടി ഭേദപ്പെട്ട പ്രകടനം കാഴ്ച വെച്ചു. പിന്നീട് വന്ന ഓൾറൗണ്ടർ അക്‌സർ പട്ടേൽ മാത്രമാണ് മികച്ച പ്രകടനം നടത്തിയത്. താരം 44 പന്തിൽ 44 റൺസ് നേടി. വിരാട് കോലി (14 റൺസ്) , ശ്രേയസ് അയ്യർ (7 റൺസ്), കെ എൽ രാഹുൽ(പൂജ്യം) എന്നിവർ മോശം ബാറ്റിംഗ് ആണ് കാഴ്ച വെച്ചത്. രണ്ട് മത്സരങ്ങളായി സൂപ്പർ താരങ്ങൾ മികച്ച പ്രകടനങ്ങൾ നടത്താത്തതിൽ ഇന്ത്യൻ ആരാധകർ നിരാശയിലാണ്.
Read more
പരമ്പരയിലെ അവസാന മത്സരം ബുധനാഴ്ച നടക്കുമ്പോൾ സമനിലയിൽ സീരീസ് അവസാനിപ്പിക്കാനാകും ഇന്ത്യൻ ശ്രമം.
