ജൂണ്‍ 11 ന് ഐസിസി ടി20 ലോകകപ്പ് 2024 ലെ തങ്ങളുടെ മൂന്നാം മത്സരത്തില്‍ പാകിസ്ഥാന്‍ കാനഡയെ നേരിടും. മറ്റൊരു തോല്‍വി അവരുടെ സൂപ്പര്‍ 8 ഘട്ടത്തിലെത്താനുള്ള സാധ്യത അവസാനിപ്പിക്കും. മെന്‍ ഇന്‍ ഗ്രീന്‍ ഇതിനകം തന്നെ യുണൈറ്റഡ് സ്റ്റേറ്റ്‌സ് ഓഫ് അമേരിക്കയ്ക്കും ഇന്ത്യയ്ക്കും എതിരെ തുടര്‍ച്ചയായ രണ്ട് മത്സരങ്ങളില്‍ പരാജയപ്പെട്ടു.
ന്യൂയോര്‍ക്കിലെ നാസൗ കൗണ്ടി ഇന്റര്‍നാഷണല്‍ ക്രിക്കറ്റ് സ്റ്റേഡിയത്തില്‍ ബാബര്‍ അസമിന്റെ നേതൃത്വത്തിലുള്ള ടീം സേഫ് സൈഡിലൂടെ പോകുന്നത് മുന്‍ ഇന്ത്യന്‍ താരം അമ്പാട്ടി റായിഡു കാണുന്നില്ല. ഏത് ടീമിനും ഇപ്പോള്‍ പാകിസ്ഥാനെ തോല്‍പ്പിക്കാനാകുമെന്ന് അമ്പാട്ടി റായിഡു പറഞ്ഞു.
ലോകകപ്പ് മത്സരത്തില്‍ കാനഡ പാകിസ്ഥാനെ എളുപ്പത്തില്‍ തോല്‍പ്പിക്കും. പാകിസ്ഥാന്‍ കളിക്കുന്ന രീതിയില്‍, ഏത് കക്ഷിക്കും അവരെ പരാജയപ്പെടുത്താനാകും. ഇന്ത്യയ്ക്കെതിരെ 120 റണ്‍സ് പിന്തുടരാന്‍ പോലും അവര്‍ക്ക് കഴിയുന്നില്ല. യുഎസ്എയ്‌ക്കെതിരെ പോലും ബാറ്റര്‍മാര്‍ ഒന്നും ചെയ്തില്ല. 159 റണ്‍സ് പ്രതിരോധിക്കുന്നതില്‍ അവരുടെ ബൗളര്‍മാര്‍ പരാജയപ്പെട്ടു. ലോകകപ്പില്‍ പാകിസ്ഥാന്‍ ജയിക്കുന്നത് ഞാന്‍ കാണുന്നില്ല. കളിക്കാര്‍ക്കിടയില്‍ അവര്‍ക്ക് ഏകോപനമില്ല- അമ്പാട്ടി റായിഡു പറഞ്ഞു.
എന്നിരുന്നാലും, അമ്പാട്ടി റായിഡുവിന്റെ അഭിപ്രായങ്ങളെ പിയുഷ് ചൗള എതിര്‍ത്തു, കാനഡയെക്കാള്‍ പാകിസ്ഥാനെ മുന്നില്‍ നിര്‍ത്തി. ”ഞാന്‍ അങ്ങനെ വിചാരിക്കുന്നില്ല. കാനഡയേക്കാള്‍ കൂടുതല്‍ അനുഭവപരിചയം പാകിസ്ഥാനുണ്ട്, ഇത് അവരെ സഹായിക്കും. അവരുടെ ബോളര്‍മാര്‍ വളരെ മികച്ചവരാണ്’ അദ്ദേഹം പറഞ്ഞു.
Read more
