ഗ്കെബെർഹയിൽ നടന്ന രണ്ടാം ടി20യിലെ തോൽവിക്ക് ശേഷം തിലക് വർമ്മ നടത്തിയ അഭ്യർത്ഥന പ്രകാരമാണ് യുവതാരത്തിന്റെ ബാറ്റിംഗ് ഓർഡറിലെ സ്ഥാനക്കയറ്റം നൽകിയതെന്ന് ഇന്ത്യയുടെ ടി20 ഐ ക്യാപ്റ്റൻ സൂര്യകുമാർ യാദവ് പറഞ്ഞു. ഇടംകൈയ്യൻ ബാറ്റർക്ക് പരമ്പരയിൽ രണ്ട് തുടക്കങ്ങൾ ലഭിച്ചെങ്കിലും അതൊന്നും വലിയ സ്കോറാക്കി മാറ്റാൻ അദ്ദേഹത്തിന് പട്ടിരുന്നില്ല.
തൻ്റെ ഹ്രസ്വ അന്താരാഷ്ട്ര കരിയറിൽ ഇതിനകം തന്നെ നിരവധി പൊസിഷനുകളിൽ തിലക് ബാറ്റ് ചെയ്തിട്ടുണ്ട്. വെസ്റ്റ് ഇൻഡീസിനെതിരായ കന്നി പരമ്പരയിൽ, അദ്ദേഹം 4-ാം നമ്പറിൽ ആണ് ബാറ്റ് ചെയ്തത്. ശേഷം അയർലൻഡ് പര്യടനത്തിലും താരം ഭേദപ്പെട്ട പ്രകടനമാണ് കാഴ്ചവെച്ചത്.
എന്തായാലും ഇന്നലെ തനിക്ക് കിട്ടിയ മുഴുവൻ അവസരവും പ്രയോജനപ്പെടുത്തിയ താരത്തെക്കുറിച്ച് സൂര്യകുമാർ പറഞ്ഞത് ഇങ്ങനെയാണ്:
“തിലക് വർമ്മയെക്കുറിച്ച് ഞാൻ എന്താണ് കൂടുതൽ പറയേണ്ടത്? അവൻ (തിലക്) എൻ്റെ മുറിയിൽ വന്ന് എനിക്ക് നമ്പർ 3-ൽ ഒരു അവസരം തരൂ, എനിക്ക് നന്നായി ചെയ്യണമെന്ന് അവൻ പറഞ്ഞു. അവസരം കൊടുക്കാൻ ഞാൻ തീരുമാനിച്ചു. അവൻ നന്നായി കളിച്ചു, വാക്ക് പാലിച്ചു.”
2024-ലെ ടി20 ലോകകപ്പിനുള്ള ടീമിൽ പന്ത് ആയിരുന്നു മൂന്നാം നമ്പറിൽ കളിച്ചത് . എന്നാൽ താരം ടെസ്റ്റിലാണ് കൂടുതലായി മികവ് കാണിക്കുന്നത്. അതിനാൽ തന്നെ മൂന്നാം നമ്പറിൽ നല്ല ഓപ്ഷൻ ആണ് തിലക് എന്ന് ഉറപ്പിക്കാം. ഗെയ്‌ക്‌വാദ്, അഭിഷേക് ശർമ്മ, സൂര്യകുമാർ യാദവ്, സഞ്ജു സാംസൺ എന്നിവരെല്ലാം ലോകകപ്പ് മുതൽ ബാറ്റിംഗ് ഓർഡറിൽ മൂന്നാം നമ്പറിൽ കളിച്ചിട്ടുണ്ട്.
