ഇന്ത്യ- ഓസ്ട്രേലിയ ബോർഡർ ഗവാസ്‌ക്കർ ട്രോഫിയിലെ നാലാം ടെസ്റ്റിൽ ടീമിന്റെ അതിദയനീയ പ്രകടനത്തിന് വലിയ രീതിയിൽ ഉള്ള വിമർശനമാണ് പ്പോൾ കിട്ടുന്നത്. ടീമിന്റെ തോൽവിക്ക് കാരണമായി പല കാര്യങ്ങളാണ് പറയുന്നത്. അതിലൊന്നായ മുൻനിര താരങ്ങളുടെ മോശം പ്രകടനത്തെ കുറിച്ച് ചോദിച്ചപ്പോൾ വിചിത്രമായ മറുപടിയാണ് രോഹിത് ശർമ നൽകിയത്. ഓസ്ട്രേലിയ 184 റൺസിന് ഇന്ത്യയെ പരാജയപ്പെടുത്തിയതിന് ശേഷം നടന്ന വാർത്താസമ്മേളനത്തിലാണ് താരം പ്രതികരണം അറിയിച്ചത്. ഇന്ത്യക്കായി ഇതുവരെ ഈ പരമ്പരയിൽ ഏറ്റവും ദയനീയ പ്രകടനം കാഴ്ചവെച്ചത് രോഹിത് തന്നെയാണ് എന്നുള്ളതാണ് ശ്രദ്ധിക്കേണ്ട കാര്യമാണ്.
മൂന്ന് ടെസ്റ്റുകളിൽ നിന്നായി താരത്തിന്റെ ഭാഗത്ത് നിന്ന് മികച്ച പ്രകടനം ഉണ്ടാക്കാത്ത സാഹചര്യത്തിൽ വലിയ വിമർശനം നേരിടുകയാണ് ഇന്ത്യ. ബോക്സിംഗ് ഡേ ടെസ്റ്റിൽ ഇന്നിംഗ്സ് ഓപ്പൺ ചെയ്യാൻ വന്നിട്ടും അദ്ദേഹത്തിന് ഒന്നും ചെയ്യാൻ കഴിഞ്ഞില്ല. “കളിക്കാരുടെ മോശം പ്രകടനത്തേക്കാൾ, തോൽവി നേരിടുന്നത് കൂടുതൽ വിനാശകരവും വേദനാജനകവുമാണ്. കളിയിലുടനീളം ഞങ്ങൾ നന്നായി കളിച്ചില്ല. അവസരങ്ങൾ ലഭിച്ചെങ്കിലും മുതലാക്കിയില്ല. എനിക്ക് ഒന്നോ രണ്ടോ കളിക്കാരെ കുറ്റപ്പെടുത്താൻ കഴിയില്ല, കാരണം ഇതൊരു ടീം ഗെയിമാണ്, ഞങ്ങൾ ഒരു ടീമായി മാറിയിട്ടില്ല, ”രോഹിത് ശർമ്മ പറഞ്ഞു.
സിഡ്‌നിയിൽ നടക്കുന്ന അവസാന ടെസ്റ്റിന് മുമ്പ് തിരുത്തേണ്ട മേഖലകൾ പരിശോധിക്കുമെന്ന് രോഹിത് പറഞ്ഞു. ഓപ്പണർമാർ ജയിക്കാൻ ഇറങ്ങിയപ്പോൾ ഇന്ത്യ ജയം തേടുകയായിരുന്നുവെന്നും അദ്ദേഹം വെളിപ്പെടുത്തി. “ഞങ്ങൾക്ക് ടെസ്റ്റ് ജയിക്കാൻ ആഗ്രഹമുണ്ടായിരുന്നു, ഞങ്ങളുടെ ലക്ഷ്യം നേടുന്നതിന് ഒരു അടിത്തറ പാകേണ്ടതുണ്ട്. എന്നിരുന്നാലും, മുന്നോട്ട് പോകുന്നതിൽ ഞങ്ങൾ പരാജയപ്പെട്ടു, ”അദ്ദേഹം കൂട്ടിച്ചേർത്തു.
ഓസ്ട്രേലിയ 2-1ന് മുന്നിലെത്തിയെങ്കിലും സിഡ്‌നിയിൽ വിജയിച്ച് ബോർഡർ-ഗവാസ്‌കർ ട്രോഫി നിലനിർത്താൻ ഇന്ത്യക്ക് അവസരമുണ്ട്.
