കഴിഞ്ഞ വേനൽക്കാലത്ത് ക്ലബ്ബ് വിട്ടതിന് ശേഷം ലയണൽ മെസ്സി ക്ലബ്ബിനോട് “ബഹുമാനം” കാണിച്ചില്ലെന്ന് പാരീസ് സെന്റ് ജെർമെയ്ൻ (പിഎസ്ജി) പ്രസിഡന്റ് നാസർ അൽ-ഖെലൈഫി വിമർശിച്ചു. പി‌എസ്‌ജിയിൽ ഉള്ള തന്റെ കാലത്ത് 75 മത്സരങ്ങളിൽ നിന്ന് 67 ഗോൾ നേടി മികച്ചുനിന്നു മെസി ശേഷം ലീഗ് 1 ക്ലബ് വിടുകയും പിന്നീട് ക്ലബ്ബിൽ തനിക്കുണ്ടായ മോശം അനുഭവങ്ങളെക്കുറിച്ച് പറയുകയും ചെയ്തു.
ചൊവ്വാഴ്ച ആർ‌എം‌സി സ്‌പോർട്ടിന് നൽകിയ അഭിമുഖത്തിൽ മെസ്സിയുടെ വിമർശനത്തോട് അൽ-ഖെലൈഫി പ്രതികരിച്ചു, “ഞങ്ങൾ അവിടെ ആയിരിക്കുമ്പോൾ സംസാരിക്കും, ഞങ്ങൾ പോകുമ്പോഴല്ല. എനിക്ക് അദ്ദേഹത്തോട് [മെസി ] വലിയ ബഹുമാനമുണ്ട്, എന്നാൽ [അദ്ദേഹം പോയതിന്] ശേഷം പാരീസ് സെന്റ് ജെർമെയ്‌നിനെക്കുറിച്ച് മോശമായി സംസാരിക്കാൻ ആഗ്രഹിക്കുന്നുവെങ്കിൽ, അത് നല്ലതല്ല. അത് ബഹുമാനമല്ല […] അവൻ ഒരു മോശം ആളല്ല, പക്ഷേ എനിക്ക് ഇപ്പോൾ അദ്ദേഹത്തിന്റെ പ്രവർത്തി ഇഷ്ടമല്ല. ഇത് അദ്ദേഹത്തിന് മാത്രമല്ല, എല്ലാവർക്കും വേണ്ടിയുള്ളതാണ്. ”
പി‌എസ്‌ജിയിൽ നിന്നുള്ള വിടവാങ്ങലിന് ശേഷം, മെസ്സി എം‌എൽ‌എസ് ടീമായ ഇന്റർ മിയാമിയിൽ ചേരുകയും ക്ലബ്ബിന്റെ ചരിത്രത്തിലെ ആദ്യത്തെ ട്രോഫി ആയി 2023 ലെ ലീഗ്സ് കപ്പ് നേടാൻ അവരെ സഹായിക്കുകയും ചെയ്തു. നിലവിൽ ഓഫ് സീസൺ ഇടവേളയിൽ, ഫെബ്രുവരി 1 ന് റിയാദിൽ നടക്കുന്ന ഒരു സൗഹൃദ മത്സരത്തിൽ മെസി തന്റെ ഏറ്റവും വലിയ എതിരാളിയായ ക്രിസ്റ്റ്യാനോ റൊണാൾഡോയുടെ ടീമിനെ നേരിടാൻ ഒരുങ്ങുകയാണ്.
Read more
അതേസമയം, മെസിയുടെ മുൻ സ്‌ട്രൈക്കിങ് പങ്കാളിയായ കൈലിയൻ എംബാപ്പെ പിഎസ്ജി വിട്ടേക്കുമെന്ന് ഊഹാപോഹങ്ങൾ നിലവിലുണ്ട്. റയലിലേക്ക് ചേക്കേറാനാണ് താരത്തിന് താത്പര്യമെന്നും മനസിലാക്കാം.
