ലോകത്തിലെ ഏറ്റവു മികച്ച ഫുട്ബോൾ താരമാണ് പോർച്ചുഗൽ ഇതിഹാസം ക്രിസ്റ്റ്യാനോ റൊണാൾഡോ. അടുത്ത ഫെബ്രുവരിയിൽ 40 വയസ് തികയുകയാണ് റൊണാൾഡോയ്ക്ക്. കാലം എത്ര കഴിഞ്ഞാലും അദ്ദേഹം തന്റെ ഫോമിൽ ഒരു വിട്ടു വീഴ്ചയും ചെയ്യാറില്ല. അതിനു തെളിവാണ് ഇന്നലെ സൗദി പ്രൊ ലീഗിൽ നടന്ന മത്സരം സൂചിപ്പിക്കുന്നത്.
ഇന്നലെ ഡമാക് എഫ് സിക്ക് എതിരെ നടന്ന കളിയിൽ എതിരില്ലാത്ത രണ്ട് ഗോളുകൾക്ക് അൽ നാസർ വിജയിച്ചു. റൊണാൾഡോയാണ് ടീമിന്റെ രണ്ട് ഗോളുകളും നേടിയത്. 17-ാം മിനിറ്റിൽ പെനാൽറ്റിയിൽ നിന്ന് ആദ്യ ഗോൾ നേടിയ ക്രിസ്റ്റ്യാനോ, 79-ാം മിനിറ്റിലാണ് രണ്ടാമത്തെ ഗോൾ നേടിയത്.
നേരത്തെ നടന്ന മത്സരത്തിൽ അൽ ഗരാഫക്ക് എതിരെ റൊണാൾഡോ രണ്ട് ഗോളുകൾ നേടിയിരുന്നു. പെനാലിറ്റിയിലൂടെ റൊണാൾഡോ തന്റെ കാരിയറിൽ 170 ഗോളുകളാണ് നേടിയിരിക്കുന്നത്. ഇതോടെ തന്റെ ഫുട്ബോൾ യാത്രയിൽ റൊണാൾഡോ 915 ഗോളുകൾ ആണ് നേടിയിരിക്കുന്നത്. 2024-25 സീസൺ സൗദി പ്രോ ലീഗിൽ ഏറ്റവും കൂടുതൽ ഗോൾ നേടിയ പട്ടികയിൽ ക്രിസ്റ്യാനോയാണ് ഇപ്പോൾ രണ്ടാം സ്ഥാനത്ത് നിൽക്കുന്നത്. 9 ഗോളുകളാണ് താരം നേടിയിരിക്കുന്നത്.
