റയൽ മാഡ്രിഡിൽ മികച്ച പ്രകടനങ്ങൾ നടത്തിയിട്ടുള്ള താരമാണ് ഗാരത് ബെയ്ൽ. റയലിൽ വെച്ച് തുടങ്ങിയ ബന്ധമാണ് അദ്ദേഹത്തിന് ക്രിസ്റ്റ്യാനോ റൊണാൾഡോയുമായിട്ട്. നിരവധി കിരീടങ്ങൾ താരം ടീമിനായി നേടി കൊടുത്തിട്ടുണ്ട്. അതിന് ശേഷം തന്റെ പ്രൊഫെഷണൽ ഫുട്ബോൾ കരിയറിൽ നിന്നും അദ്ദേഹം കഴിഞ്ഞ വർഷം വിരമിക്കുകയും ചെയ്തു.
ഫുട്ബോൾ ലോകത്തെ GOAT ആരാണെന്നാണ് വർഷങ്ങളായി ആരാധകർ ചോദിക്കുന്ന ചോദ്യം. നിലവിൽ ഏറ്റവും മികച്ച ഫുട്ബോൾ താരങ്ങളാണ് ക്രിസ്റ്റ്യാനോ റൊണാൾഡോയും ലയണൽ മെസിയും. അതിൽ നിന്നും ഗാരത് ബെയ്ൽ ഒരു താരത്തെ തിരഞ്ഞെടുക്കുകയും ചെയ്തു.
ഗാരത് ബെയ്ൽ പറയുന്നത് ഇങ്ങനെ:
”വ്യക്തിപരമായി എന്നെ സംബന്ധിച്ചിടത്തോളം ക്രിസ്റ്റ്യാനോ റൊണാൾഡോയാണ് ഏറ്റവും മികച്ച താരം. എല്ലാം ലഭിച്ചിട്ടുള്ള ഒരു താരമാണ് അദ്ദേഹം. റൊണാൾഡോ വളരെ കരുത്തനാണ്, വളരെ വേഗതയുള്ളവനാണ്. ഹെഡറുകളിലൂടെ ഗോൾ നേടാനും ലോങ് റേഞ്ചറികളിലൂടെ ഗോൾ നേടാനും അദ്ദേഹത്തിന് സാധിക്കും. പക്ഷേ മെസ്സിയെക്കുറിച്ച് ഒന്നും മോശം പറയാനില്ല. എന്നാൽ എന്നെ സംബന്ധിച്ചിടത്തോളം ഒരു കമ്പ്ലീറ്റ് ഫുട്ബോളർ ക്രിസ്റ്റ്യാനോ റൊണാൾഡോയാണ് ” ഗാരത് ബെയ്ൽ പറഞ്ഞു.
Read more
ഫുട്ബോൾ ലോകത്ത് ഇപ്പോഴും നിലനിൽക്കുന്ന തർക്കമാണ് ഇവരിൽ ആരാണ് GOAT എന്നത്. 2022 ലോകകപ്പ് നേടിയപ്പോൾ ലയണൽ മെസി തന്റെ കരിയറിൽ നേടാനുള്ള എല്ലാ നേട്ടങ്ങളും സ്വന്തമാക്കിയിരുന്നു. അത് കൊണ്ട് അദ്ദേഹത്തെയാണ് നിലവിൽ ആരാധകർ GOAT എന്ന് വിശേഷിപ്പിക്കുന്നത്. എന്നാൽ ക്ലബ്ബ് തലത്തിലും അന്താരാഷ്ട്ര തലത്തിലും ഫുട്ബോൾ ചരിത്രത്തിൽ ഏറ്റവും കൂടുതൽ ഗോളുകൾ നേടിയ ക്രിസ്റ്റ്യാനോ റൊണാൾഡോയാണ് ഗോട്ട് എന്നാണ് ഒരു വിഭാഗം ആളുകൾ വാദിക്കുന്നത്.