“ദൃശ്യം 2” സിനിമയില്‍ 90 ശതമാനം കഥാപാത്രങ്ങളും ക്രിസ്ത്യാനികളാണെന്നും ഹൈന്ദവ സംസ്‌ക്കാരത്തെ നശിപ്പിക്കുകയാണ് സിനിമ എന്നുമുള്ള ട്വീറ്റുകളോട് പ്രതികരിച്ച് നടന്‍ ആദിത്യന്‍ ജയന്‍. മാധ്യമങ്ങളില്‍ വന്ന വാര്‍ത്തയ്ക്ക് താഴെ കമന്റിട്ടാണ് താരത്തിന്റെ പ്രതികരണം.
“”കഷ്ടം ഇതിലൊക്കെ ജാതിയോ? നല്ല ഒരു സിനിമ നശിപ്പിക്കാനുള്ള ഉദ്ദേശം. എന്ത് നെഗറ്റീവ് ചിന്തകളാണ് ഇത്. സിദ്ദിഖ്, ആശാ ശരത്, മുരളി ഗോപി, അങ്ങനെ എത്രയോ കഥാപാത്രങ്ങള്‍ ഉണ്ട് ഈ സിനിമയില്‍. ഹൈന്ദവ സംസ്‌കാരം നശിപ്പിക്കാന്‍ എന്താ ചെയ്‌തെ ഈ സിനിമ.””
“”ഒരു ക്രിസ്താനി സിനിമ എടുത്താല്‍ അല്ലേല്‍ ഒന്നോ രണ്ടോ ക്രിസ്ത്യന്‍ കഥാപാത്രങ്ങള്‍ വന്നാല്‍ തീരുന്നതാണോ ഹൈന്ദവ സംസ്‌കാരം, അങ്ങനെ എങ്കില്‍ മോഹന്‍ലാല്‍ മീനയ്ക്ക് പകരം ടോവിനോ അഭിനയിച്ചാല്‍ പോരെ, ഇതില്‍ അഭിനയിച്ച 95 ശതമാനം ആര്‍ട്ടിസ്റ്റും ഹിന്ദുക്കളാണ് കഷ്ടമാണ്”” എന്നാണ് ആദിത്യന്‍ ജയന്‍ കമന്റ് ചെയ്തിരിക്കുന്നത്.
Read more
ആമസോണ്‍ പ്രൈമില്‍ റിലീസ് ചെയ്ത ദൃശ്യം 2വിന് മികച്ച പ്രതികരണങ്ങളാണ് പ്രേക്ഷകരില്‍ നിന്നും ലഭിക്കുന്നത്. ഇതിനിടെയാണ് ചിത്രത്തിന് നേരെ വിദ്വേഷ പ്രചാരണങ്ങളും ഉയര്‍ന്നത്. തെന്നിന്ത്യന്‍ സിനിമകളില്‍ കൂടുതലും ക്രിസ്ത്യാനികളാണ് എന്നും ആന്ധ്ര, തമിഴ്നാട്, കേരളം പോലുള്ള സംസ്ഥാനങ്ങളില്‍ ഹിന്ദുക്കള്‍ ഇല്ലാതായി എന്നാണ് കരുതുന്നതെന്നും ജയന്ത എന്ന ട്വിറ്റര്‍ ഹാന്‍ഡിലില്‍ നിന്നുയര്‍ന്ന കമന്റ്.
