ചടുലമായ കമന്ററിയിലൂടെ മലയാളികളുടെ കാല്‍പന്ത് അഭിനിവേശത്തെ ആകാശസീമയോളം എത്തിച്ച കമന്റേറ്ററാണ് ഷൈജു ദാമോദരന്‍. ഇപ്പോഴിതാ ഒമര്‍ ലുലു ചിത്രമായ ധമാക്കയിലും കളിയുടെ കമന്റേറ്ററി ഡബ്ബു ചെയ്തിരിക്കുന്നത് ഷൈജുവാണ്. ഡബ്ബിനു ശേഷം ചിത്രത്തെ കുറിച്ച് ഷൈജു സോഷ്യല്‍ മീഡിയയില്‍ കുറിച്ച വാക്കുകള്‍ ശ്രദ്ധ നേടുകയാണ്.
ഷൈജു ദാമോദരന്റെ കുറിപ്പ്….
ഒരു “അഡാര്‍” ഫ്രണ്ട്…. ഒരു “ധമാക്ക” ഡബ്ബ്….
ഐ എസ് എല്ലും ഫുട്‌ബോളും ബ്ലാസ്റ്റേഴ്‌സും ക്രിക്കറ്റും സച്ചിനും സെവാഗും ഒക്കെച്ചേര്‍ന്ന് ഒരടിപൊളി ” ധമാക്ക ” തന്നെയായിരുന്നു ഈ റെക്കോഡിംഗ് സെഷന്‍. ഹാപ്പി വെഡിംഗും, ചങ്ക്‌സും , ഒരഡാര്‍ ലൗവും കഴിഞ്ഞ് പ്രിയ സുഹൃത്ത് ഒമര്‍ ലുലു ഇതാ ” ധമാക്ക” യുമായി വരുന്നു. ക്രിസ്മസ്-ന്യൂ ഇയര്‍ റിലീസാണ്. ഫുള്‍ ടൈം തകര്‍ത്തു ചിരിക്കാം.
ഇതാണ് കളി…..ഇനിയാണ് കളി…..
Read more
ഒരു അഡാറ് ലവിനു ശേഷം ഒമര്‍ ലുലു സംവിധാനം ചെയ്യുന്ന പുതിയ ചിത്രമായ ധമാക്ക ഡിസംബര്‍ 20 നാണ് തിയേറ്ററുകളിലെത്തുക. ഒളിമ്പ്യന്‍ അന്തോണി ആദം എന്ന ചിത്രത്തില്‍ മോഹന്‍ലാലിനൊപ്പം ടോണി ഐസക് എന്ന കഥാപാത്രത്തെ മനോഹരമാക്കിയ അരുണാണ് ധമാക്കയില്‍ നായകന്‍. നിക്കി ഗല്‍റാണിയാണ് നായിക. സലിം കുമാര്‍, ഇന്നസെന്റ്, സാബുമോന്‍, മുകേഷ്, ഉര്‍വ്വശി, നേഹ, ഹരീഷ് കണാരന്‍, ധര്‍മജന്‍ ബോള്‍ഗാട്ടി, ഷാലിന്‍ സോയ തുടങ്ങി വന്‍താരനിരയാണ് ചിത്രത്തില്‍ അണിനിരക്കുന്നത്.
