തെന്നിന്ത്യയിൽ അധികം ശ്രദ്ധിക്കപ്പെടാതിരുന്ന കന്നഡ സിനിമാ ഇൻഡസ്ട്രിക്ക് പുത്തൻ ഉണർവ് നൽകിയ ചിത്രമാണ് കെജിഎഫ്. 2018 ൽ പുറത്തിറങ്ങിയ കെ.ജി.എഫ് ഒന്നാം ഭാഗം നേടിയെടുത്ത മുന്നേറ്റം ചെറുതൊന്നുമല്ല. രണ്ടാം ഭാഗവും വലിയ ആവേശത്തോടെയാണ് പ്രേക്ഷകർ ഏറ്റെടുത്തത്. ചിത്രം റിലീസ് കഴിഞ്ഞ് ഒരുമാസം പിന്നിട്ടുമ്പോഴും കെ ജിഎഫിനെ ചർച്ചകൾ അവസാനിക്കുന്നില്ല.
ചിത്രത്തിന്റെ ബ്രില്യൻസും പാളിച്ചകളും ഇഴകീറി പരിശോധിച്ച് കണ്ടെത്തുന്ന തിരക്കിലാണ് ട്രോളന്മാർ. കാർ ചേസിങ് സീൻ റിലീസിന് പിന്നാലെ ചർച്ചയായിരുന്നു. കാർ ചേസിംഗ് രംഗത്തെ പറ്റി വ്യത്യസ്ത അഭിപ്രായങ്ങളാണ് ഉയർന്നത്. ഇരുട്ട് മിന്നി മറയുന്ന രീതിയിൽ പരീക്ഷണ സ്വഭാവത്തിലായിരുന്നു രംഗം.
എന്നാൽ ഈ രംഗം കോപ്പിയടിയാണന്നാണ് നെറ്റിസണുകൾക്കിടയിലെ വാദം. 2017ൽ പുറത്തിറങ്ങിയ ഹോളിവുഡ് ആനിമേഷൻ ചിത്രമായ കാർസ് മൂന്നാം ഭാഗത്തിന്റെ ടീസറിന്റെ കോപ്പിയാണ് കെ.ജി.എഫിലെ കാർ ചേസിംഗ് എന്നാണ് നെറ്റിസൺസിന്റെ കണ്ടെത്തൽ. എന്നാൽ കാർസിന്റെ കോപ്പിയടിയല്ല, പ്രചോദനമുൾക്കൊണ്ടന്നാണ് മറുവാദം.
Read more
റോക്കി റെമിക സെന്നിനെ കാണാൻ പോകുമ്പോൾ ഉള്ള ബിജിഎമ്മും കോപ്പിയടിയെന്ന് മുൻപ് ആരോപണം ഉയർന്നിരുന്നു. ജെയിംസ് കാമറൂൺ ചിത്രമായ അവതാറിലെ ബി.ജി.എമ്മിന് സമാനമായ ബിജിഎമ്മെന്നാണ് ട്രോളന്മാർ കണ്ടെത്തിയത്
