ഒമര്‍ലുലു ചിത്രമായ ധമാക്കയുടെ ട്രൈലര്‍ റിലീസ് ചെയ്ത് മണിക്കൂറുകള്‍ക്കുള്ളില്‍ ഒന്നരലക്ഷത്തിലധികം കാഴ്ചക്കാരുമായി ട്രെന്‍ഡിങ്ങില്‍ ഒന്നാം സ്ഥാനത്തെത്തി. യുവാക്കള്‍ക്കുവേണ്ടിയുള്ള സമ്പൂര്‍ണ്ണ കോമഡി എന്റര്‍ടൈനറായ ഈ ചിത്രം ജനുവരി രണ്ടിന് പുറത്തിറങ്ങുന്നു. റിലീസ് ചെയ്ത് അല്‍പ്പസമയത്തിനുള്ളില്‍ തന്നെ ട്രെയിലറിന് മികച്ച പ്രതികരണമാണ് ലഭിക്കുന്നത്.
Read more
എം കെ നാസര്‍ നിര്‍മ്മിക്കുന്ന ചിത്രത്തിന് തിരക്കഥ ഒരുക്കുന്നത് നവാഗതരായ വേണു.ഓ.വി, കിരണ്‍ ലാല്‍ എന്നിവരാണ്. യുവാക്കള്‍ക്കും കുടുംബപ്രേക്ഷകര്‍ക്കും ഒരുപോലെ ആസ്വദിക്കാവുന്ന ഒരു “കളര്‍ഫുള്‍ കോമഡി എന്റര്‍ട്ടൈനര്‍” തന്നെയായിരിക്കും ധമാക്കയും എന്നാണ് ഒമര്‍ ലുലു ഉറപ്പുനല്കിയിരിക്കുന്നത്. ബാലതാരമായി മലയാളസിനിമയിലേക്ക് കടന്നു വന്ന “അരുണ്‍ കുമാര്‍” ആദ്യമായി നായക വേഷം ചെയ്യുന്ന ചിത്രം എന്ന നിലയിലും ധമാക്ക ശ്രദ്ധേയമാണ്. ചിത്രത്തിനായി ഗോപി സുന്ദര്‍ ഒരുക്കിയ ഗാനങ്ങള്‍ ഹിറ്റ് ചാര്‍ട്ടില്‍ ഇടംനേടികഴിഞ്ഞു. ജനുവരി 2 വരെ കാത്തിരിക്കാം.
