നടന്‍ ജയറാം പ്രധാനവേഷത്തിലെത്തുന്ന ഒരു തെലുങ്ക് ചിത്രം കൂടി അണിയറയില്‍ ഒരുങ്ങുകയാണ്. ഇതുവരെ പേര് നല്‍കിയിട്ടില്ലാത്ത ചിത്രത്തില്‍ മഹേഷ് ബാബുവിനൊപ്പമാണ് ജയറാം പ്രധാന കഥാപാത്രത്തില്‍ എത്തുന്നത്. അങ്ങ് വൈകുണ്ഡപുരം എന്ന അല്ലു അര്‍ജുന്‍ സിനിമയ്ക്ക് ശേഷം ജയറാം പ്രധാന വേഷത്തില്‍ എത്തുന്ന തെലുങ്ക് ചിത്രം കൂടി ആയിരിക്കും ഈ മഹേഷ് ബാബു ചിത്രം.
മഹേഷ് ബാബുവിനൊപ്പമിരിക്കുന്ന ചിത്രം പങ്കുവെച്ചു കൊണ്ടാണ് ജയറാമിന്റെ പുതിയ തെലുങ്ക് ചിത്രത്തിന്റെ അനൗണ്‍സ്‌മെന്റ് നടത്തിയത്. മഹേഷ് ബാബുവിന്റെ അഭിനയ ജീവിതത്തിലെ 28 മത് ചിത്രമാണിത്. താരത്തിനൊപ്പവും ത്രിവിക്രം ശ്രീനിവാസനൊപ്പമുള്ള ചിത്രവും സോഷ്യല്‍ മീഡിയയിലൂടെ ജയറാം പോസ്റ്റ് ചെയ്തിരുന്നു.
മഹേഷ് ബാബുവിന്റെ അച്ഛന്റെ സിനിമകളുടെ ആരാധകനായിരുന്നു താനെന്നും അദ്ദേഹത്തിന്റെ ചിത്രം കണ്ട് വളര്‍ന്ന താനിപ്പോള്‍ മഹേഷ് ബാബുവിനൊപ്പം അഭിനയിക്കുകയാണെന്നും സോഷ്യല്‍ മീഡിയയിലൂടെ ജയറാം എഴുതിയിട്ടുണ്ട്.
Read more
രാം ചരണും ശങ്കറും ഒരുമിച്ചെത്തുന്ന ആര്‍ സി 15, മണിരത്‌നത്തിന്റെ പൊന്നിയിന്‍ സെല്‍വന്‍ 2, സാമന്ത-വിജയ് ദേവരകൊണ്ട പ്രധാന കഥാപാത്രം ആകുന്ന ഖുശി എന്നിവയാണ് ജയറാമിന്റെ അണിയറയില്‍ ഒരുങ്ങുന്ന ഏറ്റവും പുതിയ അന്യഭാഷ ചിത്രങ്ങള്‍. കന്നഡച്ചിത്രമായ ‘ഗോസ്റ്റി’ലും താരം പ്രധാനപ്പെട്ട വേഷത്തില്‍ എത്തുന്നുണ്ട്.അതാടു, ഖലേജ എന്നീ രണ്ട് ഹിറ്റ് ചിത്രങ്ങള്‍ക്ക് ശേഷം മഹേഷ് ബാബുവും ത്രിവിക്രം ശ്രീനിവാസ് കൂട്ടുകെട്ടും ഒന്നിക്കുന്ന മൂന്നാമത്തെ ചിത്രമാണ് SSMB28. 2023 ഓഗസ്റ്റില്‍ ചിത്രം പുറത്തിറങ്ങും. ചിത്രത്തില്‍ നായികമാരായെത്തുന്നത് പൂജ ഹെഗ്ഡെയും ശ്രീലീലയുമാണ്.
