‘ലിയോ’ തിയേറ്ററില്‍ ആവേശപ്പൂരം തീര്‍ക്കുമ്പോള്‍ എല്‍സിയുവിലെ അടുത്ത ചിത്രമേതെന്ന് അറിയാനുള്ള കാത്തിരിപ്പിലാണ് ആരാധാകര്‍. കാര്‍ത്തിയെ നായകനാക്കി ഒരുക്കിയ ‘കൈതി’യും ‘വിക്ര’വും എത്തിയതോടെയാണ് ലോകേഷ് സിനിമാറ്റിക് യൂണിവേഴ്‌സ് ചര്‍ച്ചയാകാന്‍ ആരംഭിച്ചത്.
ഇതിനിടെ മോഹന്‍ലാലിന്റെയും കമല്‍ഹാസന്റെയും ഒരു ഫോട്ടോയാണ് ഇപ്പോള്‍ വൈറല്‍ ആകുന്നത്. കേരളീയം 2023ന്റെ ഭാഗമായി കഴിഞ്ഞ ദിവസം കമല്‍ ഹാസന് തിരുവനന്തപുരത്ത് എത്തിയിരുന്നു. മോഹന്‍ലാലും മമ്മൂട്ടിയും ശോഭനയും ഇദ്ദേഹത്തോടൊപ്പം പരിപാടിയില്‍ പങ്കെടുത്തു.
ഇതിന്റെ ഫോട്ടോകളെല്ലാം സോഷ്യല്‍ മീഡിയയില്‍ വൈറലാണ്. അതിലൊരു ഫോട്ടോയാണ് എല്‍സിയുവിലേക്ക് മലയാളികളെ കൊണ്ടു പോയിരിക്കുന്നത്. കമല്‍ ഹാസന് ഹസ്തദാനം നല്‍കുന്ന മോഹന്‍ലാല്‍ ആണ് ഫോട്ടോയില്‍. ഇവരുടെ മധ്യത്തിലായി സി (C) യു (U) എന്ന ഇംഗ്ലീഷ് അക്ഷരങ്ങള്‍ കാണാം.
#Mohanlal – Narcotics is a dirty business#KamalHaasan – Welcome to drug free society
Can you see LCU in pic 😉 pic.twitter.com/FXYZ0tQ67O
— Kerala Trends (@KeralaTrends2) November 1, 2023
ഇതിനെ ലാലേട്ടന്റെ ‘എല്ലു’മായി (L) കൂട്ടിയോജിപ്പിച്ച് ആണ് സോഷ്യല്‍ മീഡിയയില്‍ പോസ്റ്റുകള്‍ വരുന്നത്. ”മോഹന്‍ലാല്‍ – നാര്‍കോട്ടിക് ഈസ് എ ഡേര്‍ട്ടി ബിസിനസ്, കമല്‍ഹാസന്‍ – ലഹരിവിമുക്ത സമൂഹത്തിലേക്ക് സ്വാഗതം” എന്ന ഡയലോഗും ഫോട്ടോയ്ക്ക് ഒപ്പം ആരാധകര്‍ കുറിക്കുന്നുണ്ട്.
Read more
പിന്നാലെ നിരവധി പേരാണ് കമന്റുകളുമായി രംഗത്തെത്തുന്നത്. ലോകേഷ് കനകരാജ് ആണ് എന്തും സംഭവിക്കാം എന്നാണ് ആരാധകര്‍ ചര്‍ച്ചയാക്കുന്നത്. എല്‍സിയുവില്‍ ഇനി വരാനിരിക്കുന്ന സിനിമകളില്‍ പുതിയ താരങ്ങള്‍ ഉണ്ടാകുമെന്ന് ലോകേഷ് പറഞ്ഞിരുന്നു. അതില്‍ മോഹന്‍ലാലും എത്തിയേക്കാം എന്നാണ് ആരാധകര്‍ പ്രതീക്ഷിക്കുന്നത്.
