80 കോടിയോളം മുടക്കി ചിത്രീകരിച്ച ‘ബാഹുബലി’ സീരിസ് നെറ്റ്ഫ്‌ളിക്‌സ് ഉപേക്ഷിച്ചതായി നടന്‍ ബിജോയ് ആനന്ദ്. രണ്ട് വര്‍ഷം കൊണ്ട് ചിത്രീകരിച്ച സീരിസിന്റെ പ്രിവ്യു കണ്ട ശേഷം നെറ്റ്ഫ്‌ളിക്‌സ് ഉപേക്ഷിച്ചു എന്നാണ് ബിജോയ് ഇപ്പോള്‍ വെളിപ്പെടുത്തിയിരിക്കുന്നത്. സീരിസില്‍ ഒരു പ്രധാന കഥാപാത്രമായി ബിജോയ് വേഷമിട്ടിരുന്നു.
സാധാരണ ഒരു നെറ്റ്ഫ്‌ളിക്‌സ് സീരിസ് ആണിത് എന്നായിരുന്നു കരുതിയത്. അതുകൊണ്ട് ഇത് ഞാന്‍ ഒഴിവാക്കിയിരുന്നു. എന്നാല്‍ കരണ്‍ കുന്ദ്ര എന്നോട് ഇത് ചെയ്യാന്‍ വീണ്ടും അപേക്ഷിച്ചു. രണ്ട് വര്‍ഷം സീരിസിനായി ചിലവഴിച്ചു. എന്നാല്‍ സീരിസ് കണ്ട നെറ്റ്ഫ്‌ളിക്‌സ് മേധാവികള്‍ അത് വേണ്ടെന്ന് വച്ചു. അത് റിലീസ് ആയില്ല.
80 കോടി ബജറ്റില്‍ ഒരുക്കിയ വലിയ സീരിസ് ആയാണ് ഇത് ഒരുക്കിയിരുന്നത്. എന്നാല്‍ നെറ്റ്ഫ്‌ളിക്‌സ് ഇതില്‍ തൃപ്തരായില്ല. നെറ്റ്ഫ്‌ളിക്‌സ് കരുതിയത് പോലെയല്ല സീരിസ് എത്തിയത്. നെറ്റ്ഫ്‌ലിക്‌സിന് അവരുടെതായ ചില രീതികള്‍ ഉണ്ടായിരുന്നു. ആ സമയത്ത് പ്രഭാസിന്റെ സാഹോ സിനിമയില്‍ അഭിനയിക്കാന്‍ എനിക്ക് അവസരം ലഭിച്ചിരുന്നു.
ലണ്ടന്‍, ടര്‍ക്കി, പിന്നെ മറ്റൊരു രാജ്യത്ത് കൂടിയായിരുന്നു ഷൂട്ടിങ്. പക്ഷെ ഈ സീരിസിനായി ഞാന്‍ അത് വേണ്ടെന്ന് വച്ചു. അവസരങ്ങള്‍ നഷ്ടമായി എന്നാണ് ബിജോയ് പറയുന്നത്. സിദ്ധാര്‍ത്ഥ് കണ്ണനുമായുള്ള അഭിമുഖത്തിലാണ് ബിജോയ് സംസാരിച്ചത്. അതേസമയം, നേരത്തെ സീരിസ് നെറ്റ്ഫ്‌ളിക്‌സ് ഉപേക്ഷിച്ചതായി റിപ്പോര്‍ട്ടുകള്‍ എത്തിയിരുന്നു.
