ലൂസിഫറിന് പിന്നാലെ എമ്പുരാനായുള്ള കാത്തിരിപ്പിലാണ് മോഹന്‍ലാലിന്റെയും പൃഥ്വിരാജിന്റെയും ആരാധകര്‍. മോഹന്‍ലാലിനെ നായകനാക്കി പൃഥ്വിരാജ് ആദ്യമായി സംവിധാനം ചെയ്ത ലൂസിഫര്‍ വന്‍ ഹിറ്റായതോടെയാണ് രണ്ടാം ഭാഗം എമ്പുരാന് പ്രഖ്യാപിച്ചത്. ലൂസിഫറിലെ ഒരു ഡയലോഗ് ക്യാപ്ഷനായി കുറിച്ച് പൃഥ്വിരാജ് പങ്കുവെച്ച ചിത്രമാണ് സോഷ്യല്‍ മീഡിയയില്‍ ഇപ്പോള്‍ ചര്‍ച്ചയാകുന്നത്.
മോഹന്‍ലാലിനെ ചേര്‍ത്തു പിടിച്ച് സെല്‍ഫിയെടുക്കുന്ന പൃഥ്വിയെയാണ് ചിത്രത്തില്‍ കാണാനാവുക. “”ബസ് ഏക് ഇശാര ഭായ്ജാന്‍..ബസ് ഏക്”” എന്നാണ് ചിത്രത്തിന് നല്‍കിയ ക്യാപ്ഷന്‍. ഒരു നിര്‍ദേശം തരൂ എന്നാണ് ഇത് അര്‍ത്ഥമാക്കുന്നത്. ഇതോടെ എമ്പുരാന്റെ വിശേഷങ്ങള്‍ അറിയാനുള്ള തിടുക്കത്തിലാണ് ആരാധകര്‍.
View this post on Instagram
എമ്പുരാന് തുടക്കമായോ, സിനിമയെ കുറിച്ച് സൂചന തന്നതാണോ?, രാജാവിന്റെ വരവിന് കാത്തിരിക്കുന്നു.. കൂടെ സേനാധിപതിയുടെയും.., ഖുറേഷി എബ്രഹാം അദ്ദേഹത്തിന്റെ സ്വന്തം സെയിദ് മസൂദ് എന്നിങ്ങനെയാണ് ചില കമന്റുകള്‍.
Read more
ലൂസിഫറിന്റെ രണ്ടാം ഭാഗമായി എമ്പുരാന് ഒരുക്കാന്‍ വന്‍ തയാറെടുപ്പുകളാണ് പൃഥ്വിരാജ് നടത്തുന്നത്. ലൂസിഫറിനേക്കാള്‍ വലിയ കാന്‍വാസ് ആവശ്യം വേണ്ട ചിത്രമാണ് എമ്പുരാനെന്നും ആദ്യഭാഗം വിജയിച്ചതു കൊണ്ടാണ് രണ്ടാംഭാഗം ആലോചിക്കാന്‍ പറ്റുന്നതെന്നും പ്രഖ്യാപനവേളയില്‍ പൃഥ്വിരാജ് പറഞ്ഞിരുന്നു.
