ഭര്‍ത്താവ് ഷാനിദ് ആസിഫ് അലിക്ക് നന്ദി പറഞ്ഞ് നടി ഷംന കാസിം. തന്നെ ലോകത്തിലെ ഏറ്റവും സുന്ദരിയായ സ്ത്രീയാണെന്ന് തോന്നിപ്പിക്കുന്നതിന് നന്ദി എന്നാണ് ഷംന തന്റെ റിസപ്ഷന്‍ ചിത്രങ്ങള്‍ പങ്കുവച്ച് സോഷ്യല്‍ മീഡിയയില്‍ കുറിച്ചിരിക്കുന്നത്.
ജെബിഎസ് ഗ്രൂപ്പ് ഓഫ് കമ്പനിയുടെ ഫൗണ്ടറും സിഇഒയുമായ ഷാനിദിനെയാണ് ഷംന വിവാഹം ചെയ്തത്. ദുബായില്‍ വച്ചായിരുന്നു വിവാഹവും റിസപ്ഷനും നടന്നത്. ഒരു നല്ല പങ്കാളിയുടെ എല്ലാ സ്വഭാവങ്ങളും ഇല്ലെങ്കിലും നിങ്ങള്‍ ഒരിക്കലും തന്നില്‍ ഒരു കുറവും വരുത്തിയിട്ടില്ലെന്ന് ഷംന പറയുന്നു.
”നന്ദി പ്രിയനേ, ലോകത്തിലെ ഏറ്റവും സുന്ദരിയായ സ്ത്രീയാണെന്ന് എന്നെ സ്ഥിരമായി തോന്നിപ്പിക്കുന്നതിന്.. ഞാന്‍ ലോകത്തിലെ ഏറ്റവും സുന്ദരിയായ സ്ത്രീ ആയിരിക്കില്ല, അല്ലെങ്കില്‍ ഒരു നല്ല പങ്കാളിയുടെ എല്ലാ സ്വഭാവങ്ങളും എനിക്കില്ല, പക്ഷേ നിങ്ങള്‍ ഒരിക്കലും എന്നില്‍ ഒരു കുറവും വരുത്തിയിട്ടില്ല.”
View this post on Instagram
”ഞാന്‍ ആരാണെന്നതിന് നിങ്ങള്‍ എന്നെ ആരാധിച്ചു, എന്നെ മാറ്റാന്‍ ഒരിക്കലും ശ്രമിച്ചിട്ടില്ല. എന്നിലെ ഏറ്റവും മികച്ചത് പുറത്തെടുത്ത് സ്വയം മുന്നോട്ട് പോവാന്‍ അതെന്നെ പ്രോത്സാഹിപ്പിക്കുകയും ചെയ്യുന്നു. ഇന്ന്, നമ്മുടെ പ്രിയപ്പെട്ടവരുടെ സാന്നിധ്യത്തില്‍ ഞാനും നിങ്ങളും ഒന്നിച്ചുള്ള ഒരു മഹത്തായയാത്ര ആരംഭിക്കുന്നു.”
View this post on Instagram
Read more
”ഇത് അല്‍പ്പം അമിതമാണെന്ന് എനിക്കറിയാം, പക്ഷേ എപ്പോഴും എന്തിനും നിങ്ങളുടെ കൂടെ ഉണ്ടായിരിക്കുമെന്നും നിങ്ങളെ എന്നേക്കും സ്‌നേഹിക്കുകയും പിന്തുണയ്ക്കുകയും ചെയ്യുമെന്ന് ഞാന്‍ വാഗ്ദാനം ചെയ്യുന്നു” എന്നാണ് ഷംന തന്റെ ചിത്രങ്ങള്‍ക്കായി നല്‍കിയിരിക്കുന്ന കുറിപ്പ്.
