മലയാളത്തിന്റെ പ്രിയ ഗായിക റിമി ടോമിക്ക് ജന്മദിനാശംസകള്‍ നേര്‍ന്ന് താരങ്ങളും ആരാധകരും. 37ാം ജന്മദിനമാണ് റിമി ടോമി ഇന്ന് ആഘോഷിക്കുന്നത്. മലയാളത്തിന്റെ കിലുക്കാംപെട്ടിക്ക് ഒരുപാട് സ്‌നേഹം എന്നാണ് ഗായകന്‍ വിധു പ്രതാപ് റിമിക്കും ഭാര്യയ്ക്കും ഒപ്പമുള്ള സെല്‍ഫി പങ്കുവെച്ച് കുറിച്ചിരിക്കുന്നത്.
“”മലയാളത്തിന്റെ കിലുക്കാംപെട്ടിക്ക് ഒരുപാട് സ്‌നേഹം. ചിരിച്ചും ചിരിപ്പിച്ചും ചിന്ത ലവലേശമില്ലാത്ത വാര്‍ത്തമാനവുമൊക്കെ തന്നെയാണ് നിന്റെ ഹൈലൈറ്റ്! ഇനിയൊന്നും നോക്കണ്ടാ… മുന്നോട്ടും അടിച്ച് പൊളിച്ചങ്ങു പോയേക്ക്! ജന്മദിനാശംസകള്‍ റിമി”” എന്നാണ് വിധു പ്രതാപ് കുറിച്ചിരിക്കുന്നത്.
https://www.instagram.com/p/CFbE5bupuT9/?utm_source=ig_embed
നടിയും റിമിയുടെ സഹോദരന്റെ ഭാര്യയുമായി മുക്തയും താരത്തിന് ജന്മദിനാശംസകള്‍ നേര്‍ന്നെത്തി. വിവേക് ഗോപന്‍, സുചിത്ര മോഹന്‍ തുടങ്ങിയ താരങ്ങളും റിമിക്ക് ജന്മദിനാശംസകള്‍ അറിയിച്ചിട്ടുണ്ട്. ഗായിക എന്നതിനൊപ്പം നടി, അവതാരക, വ്‌ളോഗര്‍ എന്ന നിലകളിലും മലയാളി പ്രേക്ഷകര്‍ക്ക് പ്രിയങ്കരിയാണ് റിമി.
Read more
റിമിയുടെ ഫോട്ടോഷൂട്ട് ചിത്രങ്ങള്‍ അടുത്തിടെ വൈറലായിരുന്നു. മോഡേണ്‍ ദാവണിയും ലോംഗ് ഫ്രോക്കും ധരിച്ച ഫോട്ടോഷൂട്ട് ചിത്രങ്ങളാണ് റിമി ടോമി പങ്കുവെച്ചിരിക്കുന്നത്. സൂപ്പര്‍ മോഡലിനെ പോലെ തിളങ്ങുകയാണ് റിമി എന്നാണ് ആരാധകരുടെ പക്ഷം. കഠിനാദ്ധ്വാനം ചെയ്താണ് പഴയ ലുക്കില്‍ നിന്നും ശരീരഭാരം കുറച്ച് എത്തിയത്. സ്ലിം ബ്യൂട്ടി ആയി മാറിയതിന്റെ രഹസ്യവും റിമി പങ്കുവെച്ചിരുന്നു.
