തൃശൂര്‍ ചാലക്കുടിയില്‍ 11 കിലോ ഹാഷിഷ് ഓയിലുമായി മൂന്ന് പേര്‍ പിടിയില്‍. തൃശൂര്‍ സ്വദേശികളായ അനൂപ്, നിഷാന്‍, പത്തനംതിട്ട കോന്നി സ്വദേശി നസിം എന്നിവരാണ് പിടിയിലായത്. ചാലക്കുടി മുരിങ്ങൂര്‍ ദേശീയപാതയില്‍ നിന്നാണ് ഇവരെ പിടികൂടിയത്.
ഒരു കിലോ വീതമുള്ള 11 പാക്കറ്റുകളിലാക്കിയ ലഹരി വസ്തുക്കള്‍ ആന്ധ്രയില്‍ നിന്നും കൊച്ചിയിലേക്ക് കടത്തുകയായിരുന്നു. പൊലീസിന് കിട്ടിയ രഹസ്യ വിവരത്തെ തുടര്‍ന്ന് നടത്തിയ വാഹന പരിശോധനയിലാണ് മൂവര്‍ സംഘം പിടിയിലായത്. പ്രതികള്‍ സഞ്ചരിച്ചിരുന്ന രണ്ട് കാറുകളും കസ്റ്റഡിയിലെടുത്തു.
ഹാഷിഷ് ഓയില്‍ മൂന്നര ലക്ഷം രൂപയക്ക് ആന്ധ്രയില്‍ നിന്ന് വാങ്ങിയതാണ് എന്നാണ് പ്രതികളുടെ മൊഴി. ഇതിനായി പണം മുടക്കിയത് കൊച്ചി സ്വദേശിയാണെന്ന് പൊലീസ് കണ്ടെത്തി. ഒരു ഗ്രാമിന് 350 രൂപ നിരക്കിലാണ് വിപണിയില്‍ ഹാഷിഷ് ഓയിലിന്റെ വില്‍പ്പന നടത്തുന്നത്.ആന്ധ്രയില്‍ മുപ്പത്തിയെട്ടു ലക്ഷം രൂപ വിലയുള്ള ഇതിന് കേരളത്തില്‍ കോടികള്‍ വിലമതിപ്പുണ്ട്.
Read more
അറസ്റ്റിലായ പ്രതികള്‍ ലഹരി കടത്തുമായി ബന്ധപ്പെട്ട് ഒരുമാസമായി പൊലീസിന്റെ നിരീക്ഷണത്തില്‍ ഉള്ളവരാണ്. ഇവരുടെ ഫോണുകളും കസ്റ്റഡിയില്‍ എടുത്തിട്ടുണ്ട്. സംഭവത്തില്‍ വിശദമായ അന്വേഷണം ആരംഭിച്ചു.
