തൃശൂര്‍ രാമനിലയത്തില്‍ വച്ച് സുരേഷ്‌ഗോപി എംപി മാധ്യമ പ്രവര്‍ത്തകരെ കൈയേറ്റം ചെയ്ത സംഭവത്തില്‍ കേസെടുക്കാനാകില്ലെന്ന് പൊലീസ്. സംഭവത്തില്‍ സുരേഷ്‌ഗോപിയ്‌ക്കെതിരെ നിയമ നടപടി സ്വീകരിക്കാന്‍ വകുപ്പില്ലെന്ന് പൊലീസ് അറിയിക്കുകയായിരുന്നു. ഇതോടെ വിഷയത്തില്‍ കോണ്‍ഗ്രസ് നേതാവ് അനില്‍ അക്കര നല്‍കിയ പരാതി പൊലീസ് തള്ളിയിട്ടുണ്ട്.
തൃശൂര്‍ രാമനിലയത്തിലായിരുന്നു സംഭവം നടന്നത്. ഇതിന് പിന്നാലെ സുരേഷ്‌ഗോപിയ്‌ക്കെതിരെ കെയുഡബ്ല്യുജെ ഉള്‍പ്പെടെ നിലപാടുമായി രംഗത്തെത്തിയിരുന്നു. ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെയുണ്ടായ വിവാദങ്ങളുമായി ബന്ധപ്പെട്ട് മാധ്യമ പ്രവര്‍ത്തകര്‍ ചോദ്യം ചോദിക്കുമ്പോഴായിരുന്നു എംപി മാധ്യമ പ്രവര്‍ത്തരെ കായികമായി നേരിട്ടത്.
Read more
ഇതിന് പിന്നാലെയാണ് അനില്‍ അക്കര സുരേഷ്‌ഗോപിയ്‌ക്കെതിരെ പരാതിയുമായി രംഗത്തെത്തിയത്. തുടര്‍ന്ന് പൊലീസ് മാധ്യമപ്രവര്‍ത്തകരുടെ മൊഴിയെടുക്കുകയും സംഭവത്തിന്റെ സിസിടിവി ദൃശ്യങ്ങള്‍ പരിശോധിക്കുകയും ചെയ്തിരുന്നു. ഇതേ തുടര്‍ന്നാണ് വിഷയത്തില്‍ എംപിയ്‌ക്കെതിരെ കേസെടുക്കേണ്ടതില്ലെന്ന് നിലപാടില്‍ പൊലീസെത്തിയത്.
