പുതിയ കെഎസ്ഇബി ചെയര്‍മാന്‍ രാജന്‍ ഖോബ്രഗഡെ തന്റെ സുരക്ഷ ഒഴിവാക്കി. ഓഫീസിന് മുന്നില്‍ സുരക്ഷയിലുണ്ടായിരുന്ന രണ്ട് എസ്.ഐ.എസ്.എഫ് ഉദ്യോഗസ്ഥരെയാണ് പിന്‍വലിച്ചിരിക്കുന്നത്. നാളെ മുതല്‍ തന്റെ ഓഫീസിന് മുന്നില്‍ സുരക്ഷ ഉദ്യോഗസ്ഥര്‍ വേണ്ടെന്ന് ചൂണ്ടിക്കാട്ടി ചെയര്‍മാന്‍ എസ്.ഐ.എസ്.എഫിന് കത്തയച്ചു.
ഇതോടൊപ്പം മുന്‍ ചെയര്‍മാന്‍ ഉപയോഗിച്ചിരുന്ന ഥാര്‍ ജീപ്പും ബീക്കണ്‍ ലൈറ്റും രാജന്‍ ഖോബ്രഗഡെ ഒഴിവാക്കി. വാക്കി ടോക്കിയും രണ്ട് ഇന്നോവ കാറുകള്‍ വാങ്ങുന്നതും ചെയര്‍മാന്‍ ഒഴിവാക്കി.
Read more
നേരത്തെ ബി അശോക് ചെയര്‍മാനായിരുന്നപ്പോള്‍ എസ്.ഐ.എസ്.എഫിനെതിരെ ഇടത് യൂണിയനുകള്‍ സമരം ചെയ്തിരുന്നു. ജൂലൈ 14നാണ് രാജന്‍ ഖോബ്രഗഡെയെ ചെയര്‍മാനായി നിയമിച്ചത്.
